ជាតិ
លោក ស៊ុន ចាន់ថុល ប្ដូរមន្ត្រីកាន់ស្ថានីយថ្លឹងយានយន្តដឹកជញ្ជូន ៣កន្លែងទៀត
× ភ្នំពេញ៖ រដ្ឋមន្ត្រីក្រសួងសាធារណការ និងដឹកជញ្ជូន បន្តប្រតិកម្មខ្លាំងៗនឹងសកម្មភាពរបស់មន្ត្រីស្ថានីយជញ្ជីងថ្លឹងយានយន្តដឹកជញ្ជូនលើសកម្រិត ដែលទទទួលសំណូក។ ព្រមគ្នានេះ ក្រសួងបានចេញប្រកាសប្ដូរមន្ត្រីទទួលបន្ទុកស្ថានីយជញ្ជីងចំនួន៣កន្លែង។
លោក ស៊ុន ចាន់ថុល បានចុះហត្ថលេខាលើប្រកាសកែសម្រួលសមាសភាពមន្ត្រីត្រួតពិន្យយានយន្តដឹកជញ្ជូនលើសទម្ងន់កម្រិតចំនួន៣ស្ថានីយ។ ស្ថានីយទាំងនោះរួមមាន ស្ថានីយជញ្ជីងអចល័តត្រពាំងថ្លុងខេត្តកំពង់ស្ពឺ ស្ថានីយរាជានុកូលខេត្តស្ទឹងត្រែង និងស្ថានីយកូនដំរីខេត្តបន្ទាយមានជ័យ។
នៅថ្ងៃជាមួយគ្នានោះដែរ ក្នុងកម្មវិធីចុះកិច្ចព្រមព្រៀងពង្រីកកំណាត់ផ្លូវជាតិលេខ៥ លោក ស៊ុន ចាន់ថុល បានចេញប្រតិកម្មខ្លាំងនៅមុខអ្នកកាសែត ចំពោះមន្ត្រីទទួលបន្ទុកស្ថានីយជញ្ជីងថ្លឹងយានយន្តដឹកជញ្ជូនលើសកម្រិត មួយចំនួន ដែលនៅតែហ៊ានប្រព្រឹត្តសកម្មភាពទទួលសំណូក។ លោកបានស្ដីបន្ទោសមន្ត្រីពុករលួយទាំងនោះថាបានធ្វើសកម្មភាពបំផ្លាញមុខមាត់របស់រដ្ឋាភិបាល ដែលចាំបាច់ត្រូវតែដកតួនាទី។ លោកសង្កត់ធ្ងន់ថា រឿងមន្ត្រីកាន់ជញ្ជីងនេះ នៅតែបង្កបញ្ហាឈឺក្បាល បើទោះកន្លងមកបានប្ដូប្រធានស្ថានីយជញ្ជីងជាច្រើនកន្លែងរួចមកហើយ។
សូមស្ដាប់ប្រសាសន៍លោក ស៊ុន ចាន់ថុល ខាងក្រោមនេះ៖
Tag:
ដឹកលើសទម្ងន់
ស្ថានីយជញ្ជីង
ស៊ុន ចាន់ថុល
© រក្សាសិទ្ធិដោយ thmeythmey.com