ជាតិ
២៥ខេត្ត/រាជធានី
ផ្លូវការ៖ ខណ្ឌកំបូល យក៦សង្កាត់ពីខណ្ឌពោធិ៍សែនជ័យ និង១សង្កាត់ពីខណ្ឌដង្កោ
× ដូចជាបឹងកេងកងផងដែរ កំបូលក៏បានក្លាយខ្លួនជាខណ្ឌថ្មីមួយទៀតរបស់រាជធានីភ្នំពេញ។ នេះបើយោងតាមអនុក្រឹត្យដែលចុះហត្ថលេខាដោយសម្តេចនាយករដ្ឋមន្ត្រី ហ៊ុន សែន កាលពីថ្ងៃទី៨ ខែមករា ឆ្នាំ២០១៩ ។
ខណ្ឌកំបូល ក៏មាន៧សង្កាត់ ដោយទទួល៦សង្កាត់ពីខណ្ឌពោធិ៍សែនជ័យ គឺសង្កាត់កំបូល សង្កាត់កន្ទោក សង្កាត់ឱឡោក សង្កាត់ស្នោរ សង្កាត់ភ្លើងឆេះរទេះ សង្កាត់បឹងធំ និងសង្កាត់ប្រទះឡាងពីខណ្ឌដង្កោ។
ទីតាំងសាលាខណ្ឌកំបូល ត្រូវកំណត់ដោយប្រកាសក្រសួងមហាផ្ទៃ។
តាមអនុក្រឹត្យ ស្ដីពីការកំណត់ចំនួនសមាជិកក្រុមប្រឹក្សារាជធានីភ្នំពេញ ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ សម្រាប់អាណត្តិទី៣ ខណ្ឌកំបូល និងខណ្ឌបឹងកេត នឹងមានសមាជិកក្រុមប្រឹក្សាចំនួន១៧នាក់រៀងៗខ្លួន។
ការបន្ថែមពីរថ្មីទៀតនេះនាំឲ្យរាជធានីភ្នំពេញមានខណ្ឌសរុបចំនួន១៤ ក្នុងនោះមាន ខណ្ឌមានជ័យ ច្បារអំពៅ ទួលគោក ឫស្សីកែវ សែនសុខ ពោធិ៍សែនជ័យ ចំការមន ដង្កោ ដូនពេញ ៧មករា ជ្រោយចង្វារ ព្រែកព្នៅ ខណ្ឌបឹងកេងកង និងខណ្ឌកំបូល៕
© រក្សាសិទ្ធិដោយ thmeythmey.com