ជាតិ
សេដ្ឋកិច្ច
រដ្ឋាភិបាល ប្រកាសព្យួរការបង់ប្រាក់រំដោះពន្ធលើប្រាក់ចំណូលរបស់សហគ្រាសក្នុងវិស័យកសិកម្ម លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ
× ភ្នំពេញ៖ រដ្ឋាភិបាលសម្រេចព្យួរទុកការបង់ប្រាក់រំដោះពន្ធលើប្រាក់ចំណូលរបស់សហគ្រាសប្រកបអាជីវកម្មផលិតនិងផ្គត់ផ្គង់ក្នុងស្រុក ឬនាំចេញផលិតកសិកម្មមួយចំនួន។ នេះបើតាមប្រកាសរបស់ក្រសួងសេដ្ឋកិច្ច និងហិរញ្ញវត្ថុ ចុះថ្ងៃទី២៩ខែមករា ។
ក្រសួងសេដ្ឋកិច្ច បានបញ្ជាក់ថា ការប្រកាសព្យួរនេះ ក្នុងបំណងជំរុញផលិតកម្ម និងការនាំចេញផលិតផលកសិកម្មស្របតាមគោលនយោបាយរបស់រដ្ឋាភិបាល ។ ចំពោះផលិតផលកសិកម្មមួយចំនួន ដែលលើកឡើងក្នុងប្រកាសនេះ ត្រូវសំដៅ ស្រូវ អង្ករ ពោត សណ្ដែក ម្រេច គ្រាប់ស្វាយចន្ទី ដំឡូងមី និងកៅស៊ូ។
សហគ្រាសដែលត្រូវបានកំណត់ខាងលើនេះ ត្រូវទទួលបានការអនុគ្រោះព្យួរទុកជាបណ្ដោះអាសន្ននូវការបង់ប្រាក់រំដោះពន្ធលើប្រាក់ចំណូលប្រចាំខែ រយៈពេល៥ឆ្នាំ គិតចាប់ពីខែមករា ឆ្នាំ២០១៩ តទៅ។
ប៉ុន្តែសហគ្រាសទាំងនោះត្រូវបំពេញលក្ខខណ្ឌពីរ គឺកាន់បញ្ជិកាគណនេយ្យឲ្យបានត្រឹមត្រូវតាមបញ្ញត្តិនៃច្បាប់សារពើពន្ធ និងច្បាប់គណនេយ្យ និងត្រូវប្រកាសបង់ពន្ធអាករដទៃទៀតជាធរមានតាមកាលកំណត់៕
© រក្សាសិទ្ធិដោយ thmeythmey.com