ក្រោយឈ្នះ Arsenal លោក Guardiola ថា Man City ស្ថិតក្នុងសម្ពាធ មិនមែន Liverpool ឡើយ

កីឡាអន្តរជាតិ

អន្តរជាតិ

ក្រោយឈ្នះ Arsenal លោក Guardiola ថា Man City ស្ថិតក្នុងសម្ពាធ មិនមែន Liverpool ឡើយ

04, Feb 2019 , 10:31 am

រូបភាព

Aguero រកបាន៣គ្រាប់ក្នុងជ័យជម្នះ ៣-១ លើ Arsenal។ រូបថត Man City

ដោយ: ថ្មីៗ

ខណៈដែល Liverpool មិនទាន់ប្រកួតបង្គ្រប់សប្តាហ៍ទី២៥របស់ខ្លួន Manchester City បានឡើងទៅកាន់តែប្រកៀកកំពូលតារាង Premier League បន្ទាប់ពី Sergio Aguero បានស៊ុតបាល់បញ្ចូលទី៣គ្រាប់ក្នុងជ័យជម្នះ ៣-១ លើភ្ញៀវ Arsenal កាលពីរាត្រីថ្ងៃអាទិត្យ។ គ្រូបង្វឹកក្រុម Man City លោក Pep Guardiola បានលើកឡើងថា ជ័យជម្នះនេះ កាន់តែធ្វើឲ្យក្រុមលោកកាន់តែមានសម្ពាធ ក្នុងដំណើរប្រជែងយកជើងឯក។

ការប្រកួតមិនទាន់ដំណើរការបាន១នាទីស្រួលបួលផង Sergio Aguero រកបានគ្រាប់បាល់បញ្ចូលទីនាំមុខសម្រាប់ Man City ហើយខ្សែការពារ Laurent Koscielny បានតែតវាយបកតាមស្មើវិញសម្រាប់ Arsenal។ នៅចុងម៉ោងក្នុងតង់ទីមួយ Aguero បន្ថែមមួយគ្រាប់ទៀត មុននឹងខ្សែប្រយុទ្ធអាហ្សង់ទីនរូបនេះ សម្រេចបានគ្រាប់ទីបីនៅនាទី៦១ ខណៈដែលក្រុមកីឡាករកាំភ្លើងធំតវ៉ាថា ជាបាល់ប៉ះដៃ។

ជ័យជម្នះនេះ នាំឲ្យ Man City មានពិន្ទុសរុប៥៩ ដោយចាញ់ Liverpool តែពីរពិន្ទុប៉ុណ្ណោះ មុនពេលដែលហង្សក្រហមត្រូវប្រកួតសប្តាហ៍ទី២៥របស់ខ្លួននៅទឹកដី West Ham United នារាត្រីថ្ងៃចន្ទនេះ។ Arsenal ត្រូវធ្លាក់ទៅលេខ៦ ខណៈ Manchester United ឡើងលេខ៥ ក្រោយយកឈ្នះម្ចាស់ផ្ទះ Leicester City ១-០ ។

លោក Guardiola អបអរដែល Aguero សម្រេចបានគ្រាប់ Hat-Trick លើកទី១០របស់ខ្លួនសម្រាប់ក្លិប ប៉ុន្តែលោកលើកឡើងថា ទីតាំងរបស់ Man City នាពេលនេះ ជាទីតាំងដែលស្ថិតក្នុងសម្ពាធ។ លោកថ្លែងប្រាប់អ្នកសារព័ត៌មានថា៖ «ខ្ញុំចង់នៅទីតាំងរបស់ Liverpool ជាងទីតាំងរបស់យើងនៅពេលនេះ»៕

Tag:

Premier League

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

2 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម