លោក សំបូរ មាណ្ណារ៉ា៖ កុំចូលចិត្តយកអ្វីដែលពូកែ ឆ្លាតថា ជាចិន គួរឲ្យតម្លៃជាតិសាសន៍ខ្លួនឯង

ជាតិ

បទយកការណ៍ / បទសម្ភាសន៍

លោក សំបូរ មាណ្ណារ៉ា៖ កុំចូលចិត្តយកអ្វីដែលពូកែ ឆ្លាតថា ជាចិន គួរឲ្យតម្លៃជាតិសាសន៍ខ្លួនឯង

24, Jan 2020 , 11:19 am

រូបភាព

រូបពី Pannasastra Student

ដោយ: ប៉ូ សាគុន

ភ្នំពេញ៖ ផ្នត់គំនិតខ្មែរមួយចំនួនចូលចិត្តប្រដូចក្មេងដែលឆ្លាត និងពូកែទៅនឹងកូនចិន ដោយសារតែពួកគេយល់ថា ជនជាតិចិនពូកែរកស៊ី ធ្វើជំនួញ និងប្រឹងប្រែងតស៊ូក្នុងជីវិត ដើម្បីក្លាយជាអ្នកមាន។ ប៉ុន្តែការគិតរបស់ពលរដ្ឋខ្មែរបែបនេះ ជារឿងមិនត្រឹមត្រូវឡើយ ព្រោះពួកគេកំពុងឲ្យតម្លៃជាតិសាសន៍ដទៃជាងជាតិខ្លួន។ នេះបើតាមលោក សំបូរ មាណ្ណារ៉ា សាស្ត្រាចារ្យប្រវត្តិសាស្ត្រខ្មែរ។

សូមស្ដាប់បទសម្ភាសភាគ២ រវាងកញ្ញា ប៉ូ សាគុន អ្នកសារព័ត៌មានថ្មីៗ និងលោក សំបូរ មាណ្ណារ៉ា សាស្ត្រាចារ្យប្រវត្តិសាស្ត្រខ្មែរ ដូចតទៅ ៖

សម្រាប់លោក សំបូរ មាណ្ណារ៉ា ជនដែលចូលចិត្តប្រដូចកូនខ្លួនទៅកូនចិននេះ គឺជាមើលរំលងភាពខ្លាំងរបស់ជាតិសាសន៍ខ្មែរខ្លួនឯង ដោយភ្លេចគិតថាខ្លួនក៏ជាខ្មែរដែរ។ សាស្ត្រាចារ្យប្រវត្តិសាស្ត្រខ្មែររូបនេះ ចាត់ទុកផ្នត់គំនិតខ្មែរបែបនេះ ជាការឲ្យតម្លៃជាតិសាសន៍ដទៃ ដោយមិនបានស្វែងរកមូលហេតុ ដើម្បីដោះស្រាយបញ្ហាជាតិខ្លួន។