ជាតិ
×![]()
ដោយ: ថ្មីៗ
ភ្នំពេញ៖ រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានប្រកាសផ្លាស់ប្ដូរមន្ត្រីទូតខ្មែរ២រូប ដែលប្រចាំសហភាពមីយ៉ាន់ម៉ា និងនៅស្ថានបេសកកម្មអចិន្ត្រៃយ៍កម្ពុជាប្រចាំមន្ទីរអង្គការសហប្រជាជាតិ និងអង្គការអន្តរជាតិនានា នៅទីក្រុងហ្សឺណែវ ប្រទេសស្វីស។
លិខិតរបស់លោក ប្រាក់ សុខុន ចុះថ្ងៃទី៦ កុម្ភៈ បានប្រកាសតែងតាំងលោក ម៉ៅ ដារ៉េត ជាលេខាធិការទី១ នៃស្ថានឯកអគ្គរាជទូត និងអង្គការអន្តរជាតិ ប្រចាំសហភាពមីយ៉ាន់ម៉ា ជំនួសលោក សូ ប៊ុណ្ណា។ ចំណែកលោក សាយ ប៊ុនឆេង ត្រូវបានតែងតាំងជាលេខាធិការទី១ ជំនួសលោក វ៉េ វុទ្ធា ដែលបំពេញភារកិច្ចនៅស្ថានបេសកកម្មអចិន្ត្រៃយ៍កម្ពុជាប្រចាំមន្ទីរអង្គការសហប្រជាជាតិ និងអង្គការអន្តរជាតិនានា នៅទីក្រុងហ្សឺណែវ ប្រទេសស្វីស។
ដើមឡើយរដ្ឋមន្ត្រីការបរទេសកម្ពុជា បានតែងតាំងលោក ហេង ហុក និងកញ្ញា តាន់សូលីដា ទៅបំពេញភារកិច្ចខាងលើនេះទេ ប៉ុន្តែក្រោយមកលោក ប្រាក់ សុខុន ក៏បានសម្រេចលុបចោលការតែងតាំងមន្ត្រីរាជការទាំងពីររូបនេះវិញ។ នេះបើតាមលិខិត ដែលចុះហត្ថលេខា ដោយលោក ប្រាក់ សុខុន ដែលបានប្រកាសឲ្យលោក ហេង ហុក ជាអនុប្រធានសវនកម្មផ្ទៃក្នុង ជំនួសលោក ប៉ូ ស៊ីវុត្ថា ដែលចូលនិវត្តន៍៕
Tag:
ប្រាក់ សុខុន
ទូត
© រក្សាសិទ្ធិដោយ thmeythmey.com
