ជាតិ
ឱសថបំប៉នសុខភាពជាង១៥មុខ ត្រូវបានក្រសួងសុខាភិបាលហាមនាំចូល,ចែកចាយ និងផ្សព្វផ្សាយ
រូបភាពពីក្រសួងសុខាភិបាល
×![]()
ដោយ: ឡាយ សុភាវតី
ភ្នំពេញ៖ ក្រសួងសុខាភិបាលបានចេញសេចក្ដីជូនដំណឹង ស្ដីពីការហាមឃាត់ការនាំចូល លក់ ចែកចាយ និងផ្សព្វផ្សាយ តាមបណ្ដាញសង្គមហ្វេសប៊ុក នូវឱសថបំប៉នសុខភាពជាង១៥មុខ ដែលគ្មានចុះបញ្ជិកា និងគ្មានច្បាប់អនុញ្ញាតពីក្រសួងសុខាភិបាល។ 
យោងតាមលិខិតដោយឡែកពីគ្នារបស់ក្រសួងសុខាភិបាល ចុះថ្ងៃទី៣១មករា និងថ្ងៃទី៧កុម្ភៈ ផលិតផលដែលក្រសួងបានហាមឃាត់ ជាផលិតផលគ្មានអាសយដ្ឋានផលិតច្បាស់លាស់ គ្មានក្រុមហ៊ុននាំចូលត្រឹមត្រូវ គ្មានចុះបញ្ជិកា គ្មានការត្រួតពិនិត្យគុណភាព និងគ្មានច្បាប់អនុញ្ញាតឲ្យផ្សព្វផ្សាយពីក្រសួងសុខាភិបាល។ ផលិតផលទាំងនេះ បានផ្សព្វផ្សាយភូតកុហក និងបំផ្លើសហួសពីការពិត។
ក្រសួងសុខាភិបាល នឹងមានវិធានការតឹងរឹង តាមច្បាប់ចំពោះម្ចាស់គណនីហ្វេសប៊ុក, អ្នកចែកចាយ,ផ្សព្វផ្សាយ ឬអ្នកនាំចូលខុសច្បាប់ទាំងអស់។ ទន្ទឹមនឹងនេះដែរ ក្រសួងក៏អំពាវនាវដល់ ពលរដ្ឋទាំងអស់ កុំជឿការឃោសនាភូតកុហកបោកប្រាស់ និងឈប់ឲ្យប្រើប្រាស់ ឱសថ ឬអាហារបំប៉នណា គ្មានការត្រួតពិនិត្យត្រឹមត្រូវ ដើម្បីជៀសវាងការខាតបង់ថវិកា និងប៉ះពាល់ដល់សុខភាព ឬឈានដល់ការបាត់បង់ជីវិត៕
© រក្សាសិទ្ធិដោយ thmeythmey.com
