នៅក្នុងប្រទេសកម្ពុជា ក្រុមហ៊ុន ស្តារអូតូ(ខេមបូឌា) គឺជាក្រុមហ៊ុនតែមួយគត់ ដែលត្រូវបានក្រសួងពាណិជ្ជកម្ម ឯកភាពកត់ត្រាទទួលស្គាល់សិទ្ធិនាំចូល និងចែកចាយផ្តាច់មុខ លើរថយន្តពាក់ម៉ាក Mercedes-Benz ដ៏ប្រណិតនេះ។ មានន័យថា ក្រុមហ៊ុន ស្តារអូតូ បានចូលរួមចំណែកយ៉ាងសកម្មជាមួយរាជរដ្ឋាភិបាល ក្នុងការបង្កើនប្រសិទ្ធភាពប្រមូលចំណូលពន្ធជូនរដ្ឋ ទប់ស្កាត់ទំនិញគេចពន្ធ ឬទំនិញក្លែងក្លាយជាដើម។ ជាមួយគ្នានេះដែរ ក្រុមហ៊ុន Daimler AG ដែលជាក្រុមហ៊ុមមេ ក៏ចង់ឲ្យអ្នកប្រើប្រាស់ រថយន្ត មើស៊ីឌីស-បិនស៍ទាំងអស់នៅក្នុងប្រទេសកម្ពុជា មានសុវត្ថិភាពរាល់ពេលបើកបរផងដែរ។
ហេតុអ្វីបានជាលោកអ្នក ត្រូវទិញរថយន្ត មើស៊ីឌីស-បិនស៍ពីក្រុមហ៊ុន ស្តារ អូតូ (ខេមបូឌា)ដែលជាក្រុមហ៊ុន ចែកចាយផ្តាច់មុខ? ពាក់ព័ន្ធនឹងបញ្ហានេះ ក្រុមហ៊ុន Daimler AG ដែលជាក្រុមហ៊ុមមេ ក៏បានចេញលិខិតមួយពន្យល់ពីមូលហេតុខាងលើនេះ។
ក្រុមហ៊ុន Daimler AG បានពន្យល់ថា មូលហេតុដែលអតិថិជនគួរតែបញ្ជាទិញរថយន្ត មើស៊ីឌីស-បិនស៍ពីក្រុមហ៊ុន ស្តារ អូតូ (ខេមបូឌា) និងមិនគួរនាំចូលរថយន្ត មើស៊ីឌីស-បិនស៍ ជាលក្ខណៈបុគ្គល ឬតាមរយៈការនាំចូលដោយគ្មានការអនុញ្ញាត ដោយសារតែរថយន្តម៉ាក មើស៊ីឌីស-បិនស៍ដូចជា រថយន្តដឹកអ្នកដំណើរ ឬរថយន្តដឹកទំនិញ ចាំបាច់ត្រូវមានបែបបទបច្ចេកទេសមួយ ដែលសមស្របទៅនឹងលក្ខខណ្ឌប្រើប្រាស់នៅក្នុងប្រទេសកម្ពុជា។ មានន័យថា រថយន្តដែលនាំចូលតាមរយៈក្រុមហ៊ុន ស្តារ អូតូ (ខេមបូឌា) ត្រូវបានផលិត និងបំពាក់ដោយបច្ចេកវិទ្យា ដែលត្រូវនឹងស្ថានភាពផ្លូវ អាកាសធាតុ និងជាពិសេស គឺត្រូវនឹងកម្រិតគុណភាពប្រេងឥន្ធនៈនៅក្នុងប្រទេសកម្ពុជា។ លក្ខណៈពិសេសទាំងនេះ ត្រូវបានពិចារណាយ៉ាងល្អិតល្អន់ មុននឹងបំពាក់លើរថយន្តមែសឺដេស-បិនស៍ ហើយធ្វើឲ្យទាំងរថយន្តទេសចរណ៍ និងរថយន្តដឹកទំនិញ គឺមានសុវត្ថិភាព និងជឿទុកចិត្តបាន ក្នុងពេលដំណើរការម៉ាស៊ីនរថយន្ត។
ចំពោះរថយន្ត Mercedes-Benz ផ្សេងទៀត ដែលបាននាំចូលមកលក់ ឬប្រើប្រាស់ក្នុងទីផ្សារកម្ពុជា ជាលក្ខណៈបុគ្គល ឬនាំចូលដោយបណ្តាហ្គារ៉ាស ឬហាងលក់រថយន្តផ្សេងៗ ដែលមិនមែនជាអ្នកចែកចាយផ្តាច់មុខ (Unauthorized Garages or Dealers) អាចប្រឈមមុខនឹងបញ្ហាជាច្រើនក្នុងពេលដំណើរការ។
ក្រុមហ៊ុន Daimler AG ពន្យល់ថាដោយសារតែរថយន្តទាំងនោះ ត្រូវបានគេផលិតឡើងសម្រាប់ប្រើនៅសហរដ្ឋអាមេរិក អារ៉ាប់រួម និងបណ្តាប្រទេសផ្សេងៗនៅអឺរ៉ុប ឬទីផ្សារផ្សេងទៀត ដែលមានលក្ខខណ្ឌតម្រូវការប្រេងឥន្ធនៈមានគុណភាពខ្ពស់ (អឺរ៉ូ៥ឬអឺរ៉ូ៦ ឬប្រហាក់ប្រហែលគ្នា) អាចជួបប្រទះបញ្ហាធ្វន់ធ្ងរ នៅពេលដែលម៉ាសីនរថយន្តកំពុងដំណើរការ។ ជាញឹកញាប់ ធាតុផ្សំផ្សេងៗនៃប្រព័ន្ធប្រេង និងប្រព័ន្ធប៊ិចប្រេង ហើយសូម្បីតែសមាសភាគមេកានិកនៃម៉ាស៊ីន (ពីស្តុងស៊ូប៉ាប់ និងសមាសភាគដទៃផ្សេងទៀត) អាចរងការខូចខាតយ៉ាងធ្ងន់ធ្ងរ។
យើងខ្ញុំក៏សូមបញ្ជាក់ផងដែរថា រាល់ការធានារបស់ក្រុមហ៊ុនចំពោះរថយន្ត មើស៊ីឌីស-បិនស៍ និងផុតសុពលភាព នៅពេលដែលរថយន្តទាំងនោះ ត្រូវបានប្រើប្រាស់នៅក្រោមលក្ខខណ្ឌដែលមានការផ្លាស់ប្តូរខុសពីលក្ខណៈដើមរបស់វា។
ដោយមើលឃើញពីបញ្ហា និងហេតុផលខាងលើនេះ ក្រុមហ៊ុន ស្តារ អូតូ (ខេមបូឌា) តែងរង់ចាំបម្រើ និងផ្តល់ជូនអតិថិជនរបស់យើង នូវរថយន្ត និងគ្រឿងបន្លាស់សុទ្ធល្អ និងសេវាកម្មពិសេសបំផុតសម្រាប់ប្រជាជនកម្ពុជា។ ដោយសារតែយើងបានយល់ច្បាស់ថា រថយន្តដែលសមស្របត្រូវនឹងប្រទេសកម្ពុជា ជារថយន្តដែលអតិថិជនគួរជ្រើសរើសយកមកប្រើប្រាស់ ដោយគ្មានការសង្ស័យ។ កត្តានេះហើយ ដែលជួយឲអតិថិជនអាចសន្សំសំចៃប្រាក់បានយ៉ាងច្រើន និងមិនចាំបាច់ចំណាយពេលវេលាដ៏មានតម្លៃរបស់ពួកគាត់ គិតលើបញ្ហាផ្សេងៗរបស់រថយន្តឡើយ៕