ពីនេះ ពីនោះ
×![]()
ដោយ: សារព័ត៌មានថ្មីៗ
អត្ថន័យរបស់ «ច្រគាង» គឺមានន័យខុសគ្នានឹងពាក្យ «ចង្កៀង»។ «ច្រគាង» មានន័យថា ដែលមិនមានរបៀបរៀបរយ មិនមានសណ្តាប់ធ្នាប់។ ចំណែក «ចង្កៀង» គឺជាប្រដាប់ដាក់ខ្លាញ់ ឬប្រេងអុជបំភ្លឺ។
ពាក្យ«ច្រគាង» ក្នុងវចនានុក្រមខ្មែរ មានន័យថា ទទឹងទទែង ដែលមិនរៀបរយ។ អង្គុយច្រគាងកណ្តាលផ្លូវដើរ គឺអង្គុយឥតសណ្តាប់ធ្នាប់។
សម្រាប់ពាក្យ «ចង្កៀង» គេអាចប្រើនៅក្នុងន័យថា និយាយបញ្ឆិតបញ្ឆៀងលូកនាយលូកអាយញយៗដោយទទូច ដើម្បីឲ្យអ្នកស្តាប់ចុះសម្រុងតាមខ្លួន វាប្រដូចនឹងគេកៀងសត្វឲ្យចូលទៅកាន់ទីតាមបំណងខ្លួន។ វាចេះតែនិយាយចង្កៀងឲ្យខ្ញុំលង់គំនិតស្លុងស៊ប់ទៅតាមគំនិតវា។ ពាក្យ «ចង្កៀង» ប្រើក្នុងន័យម្យ៉ាងទៀត គឺជាប្រដាប់ដាក់ខ្លាញ់ ឬប្រេង សម្រាប់បំភ្លឺនៅពេលរាត្រី៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
