អន្តរជាតិ
សត្វឆ្កែនោមច្រើនកន្លែងដើម្បីការពារខ្លួន និងដែនដីរបស់វា
× អ្នកធ្លាប់ឆ្ងល់ទេថា ពេលខ្លះសត្វឆ្កែ ជាពិសេសឆ្កែឈ្មោលតែងឧស្សាហ៍នោមបន្តិចៗច្រើន
កន្លែង។ វាជាផ្នែកមួយក្នុងការការពារខ្លួន និងគ្រួសាររបស់វាពីសត្វឆ្កែដទៃទៀត។ មិនថាសត្វឆ្កែស្រុក ឬឆ្កែព្រៃទេ សត្វប្រភេទនេះតែងនោមនៅទីនេះបន្តិច ទីនោះបន្តិច ដើម្បីបង្ហាញពីដែនដីគ្រប់គ្រងរបស់ខ្លួន។
បើតាមគេហទំព័រ
yummypets.com សកម្មភាពមួយនេះត្រូវបានគេហៅជាទូទៅថា «Urine-marking»។ នៅក្នុងទឹកនោមរបស់ឆ្កែមានសារធាតុជីវគីមី ឬអ័រម៉ូន។ ក្លិនរបស់សារធាតុទាំងនោះ មានលក្ខណៈពិសេសចំពោះសត្វឆ្កែនីមួយៗដែរ។
ស្រដៀងគ្នានឹងស្នាមម្រាមដៃរបស់មនុស្សដែរ។ ដោយគ្រាន់តែស្រង់ក្លិន ឆ្កែដទៃអាចដឹងពីអាយុ ភេទ និងសុខភាពបាន។ វាមិនមែនជារឿងភ្ញាក់ផ្អើលនោះទេ ពីព្រោះអ្នកបានដឹងហើយថា សត្វឆ្កែមានសមត្ថភាពពូកែណាស់ក្នុងការស្រង់ក្លិន។
បើនៅក្នុងព្រៃវិញ ក្លិនរបស់ទឹកនោមរបស់ឆ្កែទាំងនោះអាចហើរតាមខ្យល់ជាច្រើនគីឡូម៉ែត្រ។ ដោយឡែកពីទីក្រុង សត្វឆ្កែព្រៃមិនមានម្ចាស់មើលថែទាំនោះទេ។ ដូចនេះ ការការពារដែនដីពីសត្វដទៃមិនមែនជារឿងសាមញ្ញនោះទេ៕
© រក្សាសិទ្ធិដោយ thmeythmey.com