អន្តរជាតិ
នយោបាយអន្តរជាតិ
ប្រធានាធីបតីកូរ៉េខាងត្បូង បន្តធ្វើកំណែទម្រង់ប៉ូលិស-តុលាការ ដើម្បីធានាមិនមានរឿងអយុត្តិធម៌ និងពុករលួយ
×![]()
លោកប្រធានាធិបតីកូរ៉េខាងត្បូង Moon Jae-in បានស្នើឲ្យមានការធ្វើកំណែទម្រង់នៅក្នុងអង្គភាពសាធារណៈ ជាពិសេសនោះអង្គភាពដែលបម្រើការងារតំណាងឲ្យសាធារណជន និងការពារសុវត្ថិភាពប្រជាជន។ លោកប្រធានាធិបតី ចង់ឃើញសាធារណរដ្ឋមួយនេះ អាចធានាបានថា មិនឡើយអំពើអយុត្តិធម៌ និងអំពើពុករលួយ។ 
តាមរយៈជំនួបជាមួយនឹងប្រធានអង្គភាពរដ្ឋកំពូលៗនៅថ្ងៃ១៥ កុម្ភៈ លោកប្រធានាធិបតី Moon Jae-in បានលើកឡើងថា ប្រជាជន នឹងកាន់តែសប្បាយចិត្តនៅពេលអង្គភាពដែលជាតំណាងសាធារណៈ កាន់តែមានភាពរឹងមាំ និងល្អប្រសើរ។ ជាក់ស្តែងអង្គភាពប៉ូលិស និងអង្គការអយ្យការ ដែលលោកប្រធានាធិបតី ចង់កែទម្រង់ ដើម្បីធានាឲ្យបានការការពារសុវត្ថិភាពសាធារណៈ និងសិទ្ធិមនុស្ស។ នេះបើយោងតាមការចុះផ្សាយរបស់ភ្នាក់ងារព័ត៌មានកូរ៉េខាងត្បូង Yonhap។
នាជំនួបដែលមានការចូលរួមពីរដ្ឋមន្ត្រីមហាផ្ទៃ (អ្នកគ្រប់គ្រងប៉ូលិស) និងរដ្ឋមន្ត្រីយុត្តិធម៌ ( អ្នកគ្រប់អង្គការអយ្យការ) លោកប្រធានាធិបតី បានគូសបញ្ជាក់ថា ផែនការនៃការធ្វើកំណែទម្រង់ក្នុងអង្គភាពទាំងពីរ ដើម្បីបំពេញការចង់បានរបស់ប្រជាជន ដែលចង់ឃើញកូរ៉េខាងត្បូង អាចធានាបានថា មិនមានអភ័យឯកសិទ្ធិសម្រាប់បុគ្គលប្រព្រឹត្តខុសណាមួយឡើយ ហើយប្រទេសក៏មិនអនុញ្ញាតឲ្យមានសូម្បីតែអំពើអយុត្តិធម៌នៅក្នុងជីវិតរស់នៅប្រចាំថ្ងៃឡើយ។ នេះបើយោងតាមប្រភពព័ត៌មានដដែល។
ខណៈសម្តែងការពេញចិត្តចំពោះការអនុវត្តរបស់អង្គភាពទាំងពីរ លោកប្រធានាធិបតី បញ្ជាក់បន្ថែមថា ការពង្រឹងអង្គភាពទាំងពីរ ក៏ជាផ្នែកមួយក្នុងការទប់ស្កាត់អំពើពុករលួយ និងការបំពានអំណាច និងធ្វើឲ្យល្អប្រសើរលើយន្តការតុល្យភាពរវាងអង្គភាពទាំងពីរ។ លោកប្រធានាធិបតី ហាក់មើលឃើញបញ្ហាអំពើពុករលួយ គឺជាកម្អែល ដែលសេសសល់ពីអាណានិគមជប៉ុន ជាជាងបញ្ហាគ្រប់គ្រងក្នុងស្រុក ។
« កំណែទម្រង់ស៊ីជម្រៅនៅក្នុងអង្គភាពប៉ូលិស និងអយ្យការ ក៏ជាមធ្យោយបាយមួយក្នុងការបញ្ចប់ទម្រង់នៃអំពើពុករលួយ ដែលធ្លាប់កើតមានអំឡុងឆ្នាំ១៩១០-១៩៤៥ ដែលជាសម័យកាលជប៉ុនគ្រប់គ្រងកូរ៉េ។ អំឡុងពេលនោះ ទាំងអយ្យការ និងប៉ូលិស គឺជាអង្គភាព ដែលស្ថិតក្រោមការគាំទ្រដោយអាណានិគមជប៉ុន»។ លោកប្រធានាធិបតី បញ្ជាក់យ៉ាងដូច្នេះ។
គួរជម្រាបផងដែរថា កូរ៉េខាងត្បូង គឺជាប្រទេសមួយ ដែលមានប្រព័ន្ធយុត្តិធម៌រឹងមាំ ជាពិសេសលើការប្រយុទ្ធប្រឆាំងនឹងអំពើពុករលួយ។ មេដឹកនាំកូរ៉េខាងត្បូងច្រើនរូបមកហើយ រួមទាំងអតីតប្រធានាធិបតីលោកស្រី ប៉ាក ហ្គឺនហេ ត្រូវបានកាត់ទោសពាក់ព័ន្ធអំពើពុករលួយ ដោយមិនទទួលអភ័យឯកសិទ្ធិអ្វីឡើយ៕
តាមរយៈជំនួបជាមួយនឹងប្រធានអង្គភាពរដ្ឋកំពូលៗនៅថ្ងៃ១៥ កុម្ភៈ លោកប្រធានាធិបតី Moon Jae-in បានលើកឡើងថា ប្រជាជន នឹងកាន់តែសប្បាយចិត្តនៅពេលអង្គភាពដែលជាតំណាងសាធារណៈ កាន់តែមានភាពរឹងមាំ និងល្អប្រសើរ។ ជាក់ស្តែងអង្គភាពប៉ូលិស និងអង្គការអយ្យការ ដែលលោកប្រធានាធិបតី ចង់កែទម្រង់ ដើម្បីធានាឲ្យបានការការពារសុវត្ថិភាពសាធារណៈ និងសិទ្ធិមនុស្ស។ នេះបើយោងតាមការចុះផ្សាយរបស់ភ្នាក់ងារព័ត៌មានកូរ៉េខាងត្បូង Yonhap។
នាជំនួបដែលមានការចូលរួមពីរដ្ឋមន្ត្រីមហាផ្ទៃ (អ្នកគ្រប់គ្រងប៉ូលិស) និងរដ្ឋមន្ត្រីយុត្តិធម៌ ( អ្នកគ្រប់អង្គការអយ្យការ) លោកប្រធានាធិបតី បានគូសបញ្ជាក់ថា ផែនការនៃការធ្វើកំណែទម្រង់ក្នុងអង្គភាពទាំងពីរ ដើម្បីបំពេញការចង់បានរបស់ប្រជាជន ដែលចង់ឃើញកូរ៉េខាងត្បូង អាចធានាបានថា មិនមានអភ័យឯកសិទ្ធិសម្រាប់បុគ្គលប្រព្រឹត្តខុសណាមួយឡើយ ហើយប្រទេសក៏មិនអនុញ្ញាតឲ្យមានសូម្បីតែអំពើអយុត្តិធម៌នៅក្នុងជីវិតរស់នៅប្រចាំថ្ងៃឡើយ។ នេះបើយោងតាមប្រភពព័ត៌មានដដែល។
ខណៈសម្តែងការពេញចិត្តចំពោះការអនុវត្តរបស់អង្គភាពទាំងពីរ លោកប្រធានាធិបតី បញ្ជាក់បន្ថែមថា ការពង្រឹងអង្គភាពទាំងពីរ ក៏ជាផ្នែកមួយក្នុងការទប់ស្កាត់អំពើពុករលួយ និងការបំពានអំណាច និងធ្វើឲ្យល្អប្រសើរលើយន្តការតុល្យភាពរវាងអង្គភាពទាំងពីរ។ លោកប្រធានាធិបតី ហាក់មើលឃើញបញ្ហាអំពើពុករលួយ គឺជាកម្អែល ដែលសេសសល់ពីអាណានិគមជប៉ុន ជាជាងបញ្ហាគ្រប់គ្រងក្នុងស្រុក ។
« កំណែទម្រង់ស៊ីជម្រៅនៅក្នុងអង្គភាពប៉ូលិស និងអយ្យការ ក៏ជាមធ្យោយបាយមួយក្នុងការបញ្ចប់ទម្រង់នៃអំពើពុករលួយ ដែលធ្លាប់កើតមានអំឡុងឆ្នាំ១៩១០-១៩៤៥ ដែលជាសម័យកាលជប៉ុនគ្រប់គ្រងកូរ៉េ។ អំឡុងពេលនោះ ទាំងអយ្យការ និងប៉ូលិស គឺជាអង្គភាព ដែលស្ថិតក្រោមការគាំទ្រដោយអាណានិគមជប៉ុន»។ លោកប្រធានាធិបតី បញ្ជាក់យ៉ាងដូច្នេះ។
គួរជម្រាបផងដែរថា កូរ៉េខាងត្បូង គឺជាប្រទេសមួយ ដែលមានប្រព័ន្ធយុត្តិធម៌រឹងមាំ ជាពិសេសលើការប្រយុទ្ធប្រឆាំងនឹងអំពើពុករលួយ។ មេដឹកនាំកូរ៉េខាងត្បូងច្រើនរូបមកហើយ រួមទាំងអតីតប្រធានាធិបតីលោកស្រី ប៉ាក ហ្គឺនហេ ត្រូវបានកាត់ទោសពាក់ព័ន្ធអំពើពុករលួយ ដោយមិនទទួលអភ័យឯកសិទ្ធិអ្វីឡើយ៕
Tag:
កូរ៉េខាងត្បូង
© រក្សាសិទ្ធិដោយ thmeythmey.com
