អត្ថបទពាណិជ្ជកម្ម
×![]()
ដោយ: ថ្មីៗ
បេប៊ីអោតឡេត សហការជាមួយទីភ្នាក់ងារជាតិ ការងារ និងមុខរបរ នៃក្រសួងការងារ និងបណ្តុះបណ្តាលវិជ្ជាជីវៈ ដើម្បីរៀបចំកម្មវិធី សម្ភាសការងារ ឬ Recruitment Day ដែលនឹងប្រព្រឹត្តទៅ នៅថ្ងៃទី២១ ខែកុម្ភៈនេះ។ កម្មវិធីនេះចាប់ផ្តើមចាប់ពីម៉ោង ៨ព្រឹក រហូតដល់ម៉ោង ៥ល្ងាច នៅបរិវេណក្រសួងការងារ និងបណ្តុះបណ្តាលវិជ្ជាជីវៈ។
កញ្ញា សួន លីដា អ្នកសម្របសម្រួលផ្នែកធនធានមនុស្ស នៅហាងបេប៊ីអោតឡេត បានបញ្ជាក់កាលពីពេលកន្លងទៅថា Recruitment Day នេះ រៀបចំឡើងដើម្បីបង្ហាញទៅអតិថិជន ពិសេសមាតាបិតាទាំងអស់ដឹងថា បេប៊ីអោតឡេត ជាកន្លែងដែលមិនត្រឹមតែពួកគាត់អាចផ្ញើទំនុកចិត្តបាននោះទេ ក៏ជាកន្លែងផ្តល់ឱកាសការងារ ដល់អ្នកដែលកំពុងស្វែងរកការងារធ្វើផងដែរ។
ដូច្នេះកម្មវិធីនេះ គឺពិតជាឱកាសដ៏ពិសេស និងដ៏កម្រមួយ សម្រាប់លោកអ្នក ក៏ដូចជាប្អូនៗនិស្សិត ដែលកំពុងស្វែងរកការងារធ្វើ ពីព្រោះថា មានការងាររហូតដល់ទៅ ៨៨កន្លែង នឹងត្រូវជ្រើសរើស នៅក្នុងថ្ងៃទី២១ ខែកុម្ភៈនេះ។ ដូច្នេះកុំភ្លេចយកប្រវត្តិរូបសង្ខេប(CV)ទៅជាមួយផងនៅពេលដែលលោកអ្នកទៅចូលរួម កម្មវិធី Recruitment Day ព្រោះថានៅទីនោះមាន ក្រុមការងារផ្នែកធនធានមនុស្សរបស់ហាងបេប៊ីអោតឡេត នឹងសម្ភាសភ្លាមៗ នៅពេលដែលលោកអ្នកដាក់ពាក្យសុំការងារនៅទីនោះ។
ហាងលក់ទំនិញកុមារ បេប៊ីអោតឡេត មានបីសាខា។ សាខាទី១ សាខាទួលគោក មានទីតាំងស្ថិតនៅទល់មុខសាលាបឋមសិក្សាទួលគោក។ សាខាទី២ សាខាកម្ពុជាក្រោម មានទីតាំងស្ថិតនៅក្រោយទីស្តីការគណៈរដ្ឋមន្ត្រី តាមបណ្តោយមហាវិថីកម្ពុជាក្រោម និងសាខាទី៣ សាខាវិមានឯករាជ្យ មានទីតាំងស្ថិតនៅតាមបណ្តោយមហាវិថី ព្រះនរោត្តម ខាងត្បូងវិមានឯករាជ្យ។ ឆាតមកកាន់ហ្វេសប៊ុកផេក Baby Outlet ដើម្បីបញ្ជាទិញតាមអនឡាញ និងដឹកជូនគ្រប់ខេត្តក្រុង ឬទំនាក់ទំនងផ្នែកលក់អនឡាញ: 017 887 746, 016 789 669 ៕
© រក្សាសិទ្ធិដោយ thmeythmey.com
