ជាតិ
សម្ដេច ហ៊ុន សែន ត្រៀមថវិកា៥០ម៉ឺនដុល្លារ បង្កើតមេធាវីជួយស្ត្រីក្រីក្រ
× ភ្នំពេញ៖ សម្ដេចនាយករដ្ឋមន្ត្រី ហ៊ុន សែន ត្រៀមថវិកា៥០ម៉ឺនដុល្លារ សម្រាប់បង្កើតមេធាវីជួយស្ត្រីក្រីក្រនៅកម្ពុជា។ ក្រុមមេធាវីនេះ ស្ថិតក្រោមការគ្រប់គ្រងរបស់សម្ដេច ហ៊ុន សែន ដែលផ្ដល់សេវាផ្នែកច្បាប់ និងជួយការពារស្ត្រីរងគ្រោះ។
សម្ដេច ហ៊ុន សែន បញ្ជាឲ្យលោក គី តិច រៀបចំដឹកនាំក្រុមមេធាវីនេះ។ បើតាមសម្ដេច ក្រុមមេធាវីបង្កើតឡើងនេះ ត្រូវមានចំនួន៥០នាក់ ហើយក្នុងមួយខេត្តត្រូវឈរជើង២នាក់។ សម្រាប់មេធាវីដែលបង្កើតឡើងនេះ ភាគច្រើនក៏ជាស្ត្រីផងដែរ។ ថ្លែងក្នុងពិធីជួបសំណេះសំណាលជាមួយកម្មកររោងចក្រ នៅខេត្តកណ្ដាល នាព្រឹកនេះ ប្រមុខរដ្ឋាភិបាល បានប្រកាសដូច្នេះថា៖««ពេលដ៏ខ្លីខាងមុខ ខ្ញុំនឹងធ្វើរឿង(បង្កើតក្រុមមេធាវី)នេះឲ្យបាន»។
រដ្ឋាភិបាល ដែលបង្កើតក្រុមមេធាវីការពារក្តីនេះ សម្រាប់ជួយស្ត្រីទន់ខ្សោយ និងងាយរងគ្រោះ ឲ្យទទួលបានសេវាផ្នែកច្បាប់ ដោយមានប្រសិទ្ធភាពខ្ពស់។ ហើយមេធាវីនេះ សម្រាប់ជួយតែស្ត្រីប៉ុណ្ណោះ។ មូលហេតុដែលសម្ដេច ហ៊ុន សែន ចង់បង្កើតក្រុមមេធាវី ដោយសារតែសម្ដេចឃើញថា ស្ត្រីនៅតាមមន្ទីរឃុំឃាំងខ្លះ ខ្វះខាតមេធាវីជួយគាំពារផ្នែកច្បាប់ជាដើម៕
Tag:
ហ៊ុន សែន
មេធាវី
ស្ត្រីក្រីក្រ
© រក្សាសិទ្ធិដោយ thmeythmey.com