គ្រូវិទ្យាល័យបឹងត្របែកម្នាក់ស្លាប់ ដោយសាររថយន្តក្រឡុកស៊ីម៉ងត៍បុករះ

ជាតិ

សង្គមជាតិ

គ្រូវិទ្យាល័យបឹងត្របែកម្នាក់ស្លាប់ ដោយសាររថយន្តក្រឡុកស៊ីម៉ងត៍បុករះ

20, Feb 2019 , 4:37 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ រថយន្តក្រឡុកស៊ីម៉ងត៍មួយ បានបុករះលើម៉ូតូជាច្រើន នៅមុខវិទ្យាល័យបឹងត្របែក ស្ថិតក្នុងខណ្ឌចម្ការមន នៅព្រឹកថ្ងៃទី២០កុម្ភៈនេះ ដែលបណ្តាលឲ្យលោក សុខ ទែល គ្រូបង្រៀនភាសាខ្មែរ បានបាត់បង់ជីវិត និងមនុស្ស៥នាក់ផ្សេងទៀត បានរងរបួស។

លោក ផេង សុវណ្ណារ៉ា នាយកសាលាបឹងត្របែក បានចេញសេចក្តីជូនដំណឹង ពីមរណភាពរបស់លោកគ្រូ សុខ ទែល។ លោកនាយក បានបញ្ជាក់ក្នុងសេចក្តីជូនដំណឹងថា សពលោកគ្រូ សុខ ទែល តម្កល់ធ្វើបុណ្យ នៅឯស្រុកកំណើត។

លោក ស សុខា រដ្ឋលេខាធិការក្រសួងអប់រំ ក៏បានសរសេរសសាររំលែកទុក្ខលើហ្វេសប៊ុក ចំពោះមរណភាពរបស់លោកគ្រូ សុខ ទែល ផងដែរ៕