FIFA ហាម Chelsea មិនឲ្យទិញកីឡាករថ្មីចូលពេញមួយរដូវកាលក្រោយ

កីឡាអន្តរជាតិ

អន្តរជាតិ

FIFA ហាម Chelsea មិនឲ្យទិញកីឡាករថ្មីចូលពេញមួយរដូវកាលក្រោយ

22, Feb 2019 , 5:49 pm

រូបភាព

ដោយ: ទេព ពិទូរ្យ

សហព័ន្ធកីឡាបាល់ទាត់អន្តរជាតិ (FIFA) បានសម្រេចហាម ក្លិប Chelsea មិនឲ្យទិញកីឡាករថ្មីចូលនៅអំឡុងពេលទីផ្សារដោះដូរកីឡាករបើកទ្វារចំនួនពីរលើក ក្រោយរកឃើញថាល្មើសនឹងច្បាប់ក្នុងការទាក់ទងកីឡាករក្មេងៗ។

ក្រុមរហស្សនាមតោខៀវ ក៏ត្រូវ FIFA ពិន័យជាប្រាក់ចំនួន ៦០០០០០ ហ្វ្រង់ស្វីស (៦០ម៉ឺនដុល្លារអាមេរិក) ហើយសហព័ន្ធកីឡាបាល់ទាត់អង់គ្លេស (FA) ពិន័យ ៥១០០០០ ហ្វ្រង់ស្វីស (ជាង៥ម៉ឺនដុល្លារ) ផងដែរ។

យ៉ាងណាក៏ដោយ Chelsea ទទួលបានរយៈពេល៣ថ្ងៃដើម្បីប្តឹងឧទ្ធរណ៍ប្រឆាំងនឹងការសម្រេចចិត្តរបស់ FIFA លើការដាក់ពិន័យនេះ។

ការដាក់ពិន័យរបស់ FIFA កើតឡើងក្រោយស៊ើបអង្កេតឃើញថា Chelsea បានទិញកីឡាករអាយុក្រោម១៨ឆ្នាំមួយចំនួនដែលខុសនឹងច្បាប់កំណត់៕