ជាតិ
សេដ្ឋកិច្ច
ក្រោយពិសោធន៍ទទួលបានជោគជ័យ ជនជាតិដើមភាគតិចមួយក្រុម គ្រោងដាំការ៉ុតផ្គត់ផ្គង់ទីផ្សារកម្ពុជា រូបពីហ្វេសប៊ុកលោក ប្រាក់ ណែត ប្រធានសមាគមជនជាតិដើមភាគតិចពូនងក្នុងខេត្តមណ្ឌលគីរី
× ភ្នំពេញ៖ កសិករខេត្តមណ្ឌលគីរី ត្រៀមដាំការ៉ុតសម្រាប់ផ្គត់ផ្គង់លើទីផ្សារក្នុងប្រទេសកម្ពុជា ក្រោយទទួលបានជោគជ័យក្នុងការពិសោធន៍លើប្រភេទបន្លែនេះ។
លោក ប្រាក់ ណែត ប្រធានសមាគមជនជាតិដើមភាគតិចពូនងក្នុងខេត្តមណ្ឌលគីរី បានថ្លែងប្រាប់សារព័ត៌ថ្មីៗថា កសិករអាចដាំការ៉ុតនៅក្នុងតំបន់ប៊ូស្រាបាន ក្រោយពីក្រុមការងាលោកបានទទួលជោគជ័យលើការពិសោធន៍ដាំការ៉ុតជាលើកទី២នេះ ។ តាមរយៈការពិសោធន៍លើការដាំការ៉ុតនេះ ក្រុមរបស់លោក ប្រាក់ ណែត ពិនិត្យឃើញថា ការ៉ុតមានទិន្នផលខ្ពស់ មើមល្អ និងគុណភាពល្អ។
លោកបាននិយាយថា៖«ប្រជាកសិករនៅតំបន់ប៊ូស្រាបានសាកល្បងដាំការ៉ុត ហើយទទួលបានទិន្នផលល្អមែនទែន ព្រោះនៅតំបន់ប៉ូស្រាល្អ អាកាសធាតុ មិនដៅពេក ប្រភេទដីល្អសម្រាប់ដាំដំណាំប្រទេភនេះ។ យើងនឹងចាប់ផ្ដើមដាំនៅខែក្រោយនេះ »។
ប្រធានសហគមជនជាតិដើមភាគតិចពូនងរូបនេះបានបន្តទៀតថា ការប្រមូលផលការ៉ុតលើកដំបូងនេះបានប្រមាណ៥០០គីឡូក្រាមលើការដាំសាកល្បង១៥ រង ហើយនៅសល់ម្រមាណជាងពាក់កណ្ដាលទៀតកំពុងប្រមូលបណ្ដើរៗ។ បើតាមប្រធានសមាគមនេះ ការដាំណាំការ៉ុតអាចដាំបានគ្រប់រដូវ ប៉ុន្តែក្នុងរដូវភ្លៀងត្រូវការពារទឹកដោយត្រូវធ្វើរោងកុំអោយទឹកចូលច្រើន ដែលអាចបណ្ដាលឲ្យការ៉ុតរលួយខូច។ ក្រុមការងារនឹងសាកល្បងដាំដំឡូងបារាំងបន្ថែមទៀតនាពេលខាងមុខនេះ។
លោក ប្រាក់ ណែត ក៏បានលើកឡើងពីក្តីបារម្មណ៍ពីការលួចប្រើរឈ្មោះផលិតផលរបស់ពួកគាត់ ខណៈបន្លែទាំងនោះនាំចូលមកពីប្រទេសជិតខាង ខណៈកសិករក៏នៅជួបបញ្ហាច្រើន លើផ្នែកបច្ចេកទេសក្នុងការដាំផងដែរ ព្រោះវាជាជំហានដំបូងសម្រាប់កសិករកម្ពុជា។
បច្ចុប្បន្នសមាគមលោកមានសមាជិកចំនួន១៥០០គ្រួសារ ហើយសមាជិកដែលដាំបន្លែប្រភេទផ្សេងៗមានត្រឹម ១០៨ គ្រួសារ។ ដើម្បីលើកកម្ពស់ការដាំការ៉ុតនេះ លោកគ្រោងរៀបចំការចែកពូជ និងគាំទ្រផ្នែកបច្ចេកទេសទៀតផង។ បើតាមលោក ប្រាក់ ណែត មន្ទីកសិកម្មខេត្តមណ្ឌលគីរីជួយគាំទ្រ និងជួយរកទីផ្សារដល់ប្រជាកសិករផងដែរ។
លោក សុខ ឃាង ប្រធានមន្ទីកសិកម្មខេត្តមណ្ឌលគីរីបានថ្លែងប្រាប់សារព័ត៌ថ្មីៗថា មន្ទីកសិកម្មនឹងជួយខិតខំគាំទ្រលើផ្នែកផ្សេងៗដល់ពួកគាត់មន្ថែមទៀត ខណៈការពិសោធន៍ទទួលបានជោគជ័យនេះ៕
Tag:
កសិកម្ម
ការ៉ុត
ជនជាតិដើមភាគតិច
© រក្សាសិទ្ធិដោយ thmeythmey.com