ជាតិ
សម្តេច ហ៊ុន សែន ប្រាប់ឲ្យក្រសួងប្រៃសណីយ៍រៀបចំ Free Wifi នៅតាមតំបន់ទេសចរណ៍ មុនឆ្នាំ២០២៣
សម្តេច ហ៊ុន សែន ថ្លែងសុន្ទរកថា ក្នុងពិធីប្រារព្ធទិវាជាតិទីក្រុងស្អាតលើកទី៧ នៅសណ្ឋាគារសុខា នៅថ្ងៃទី២៥ កុម្ភៈ ឆ្នាំ២០១៩
×![]()
ភ្នំពេញ៖ សម្តេច ហ៊ុន សែន បានប្រាប់ទៅដល់ក្រសួងប្រៃសណីយ៍ និងទូរគមនាគមន៍ រៀបចំដំឡើងប្រព័ន្ធ Free Wifi នៅតាមតំបន់ទេសចរណ៍ ឱ្យបានមុនឆ្នាំ២០២៣ ដើម្បីផ្ដល់ភាពងាយស្រួលដល់ភ្ញៀវទេសចរ។
តំបន់ទេសចរណ៍ដែលត្រូវរៀបចំនោះ មាននៅរាជធានីភ្នំពេញ សៀមរាប ព្រះសីហនុ និងខេត្តបាត់ដំបងជាដើម។ នេះបើតាមសម្ដេច ហ៊ុន សែន។
កាលពីថ្ងៃទី៩ ខែឧសភា ឆ្នាំ២០១៨ ក្រសួងប្រៃសណីយ៍ និងទូរគមនាគមន៍ បានដាក់ឲ្យប្រើប្រាស់អ៊ីនធឺណិតសាធារណៈ (Public Wifi) ចំនួន ២កន្លែងនៅភ្នំពេញ គឺនៅសួនច្បារសម្តេច ហ៊ុន សែន និងសួនច្បារមុខព្រះបរមរាជវាំង។ ឧបករណ៍បច្ចេកទេសប្រព័ន្ធ Public Wifi ២កន្លែងនេះ ដែលមានល្បឿន 1Gps (១ហ្សីហ្គាប៊ីតក្នុង១វិនាទី)។
តែយ៉ាងណាស្ថានភាពFree WIFI នៅទីក្រុងភ្នំពេញ ដែលបានរៀបចំកន្លងទៅនេះ មិនទាន់មានប្រសិទ្ធិភាពនៅឡើយ។ ថ្លែងក្នុងពិធីប្រារព្ធទិវាជាតិទីក្រុងស្អាតលើកទី៧ នៅថ្ងៃទី២៥ កុម្ភៈ សម្តេច ហ៊ុន សែន បានឆ្លៀតរិះគន់ក្រុមហ៊ុនបម្រើសេវាWIFI ដែលមករៀបចំ ឬដំឡើងប្រព័ន្ធអ៊ីនធឺណិតថា ក្រុមហ៊ុនខ្លះ ដំឡើងអ៊ីនធឺណិតយកតែលុយ ប៉ុន្តែចុងក្រោយប្រើប្រាស់មិនបាន ឬមិនមានដំណើរការល្អឡើយ៕
Tag:
ហ៊ុន សែន
WIFI
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
