ជាតិ
នយោបាយជាតិ
នាយករដ្ឋមន្រ្តីកម្ពុជា និង ប្រធានាធិបតីវៀតណាម ឱបគ្នា។ រូបពីក្រសួងព័ត៌មាន
×![]()
ដោយ: សារព័ត៌មានថ្មីៗ
សម្តេច ហ៊ុន សែន នាយករដ្ឋមន្ត្រីកម្ពុជា បានសម្តែងការសាទរនៅចំពោះមុខលោក ង្វៀន ហ្វ៊ូជុង (Nguyen Phu Trong) ប្រធានាធិបតីថ្មីរបស់វៀតណាម ដែលវៀតណាម បានទទួលភារកិច្ចក្នុងរៀបចំជំនួបកំពូលរបស់មេដឹកនាំនៃប្រទេសមហាអំណាចនុយក្លែអ៊ែរទាំងពីរ គឺលោក ដូណាល់ ត្រាំ ប្រធានាធិបតីអាមេរិក និងលោក គីម ជុងអ៊ុន មេដឹកនាំកំពូលកូរ៉េខាងជើង។
សម្តេច ហ៊ុន សែន និងលោក ង្វៀន ហ្វ៊ូជុង បានជួបគ្នានៅវិមានសន្តិភាពនាព្រឹកថ្ងៃទី២៦ ខែកុម្ភៈ ឆ្នាំ២០១៩នេះ។ ខ្លឹមសារនៃជំនួបរវាងអ្នកទាំងពីរ ត្រូវបានលោក អ៊ាង សុផល្លែត ជំនួយការរបស់សម្តេចហ៊ុន សែន យកទៅថ្លែងប្រាប់ក្រុមអ្នកកាសែត។
ខណៈពេលនេះ លោក គីម ជុងអ៊ុន កំពុងស្ថិតក្នុងប្រទេសវៀតណាម ហើយលោក ដូណាល់ ត្រាំ នឹងទៅដល់ក្នុងថ្ងៃនេះ។ ចំណែក លោក ង្វៀន ហ្វ៊ូជុង ដែលកំពុងបំពេញទស្សនកិច្ចនៅកម្ពុជា នឹងរួសរាន់ចេញទៅវៀតណាមវិញ ក្នុងថ្ងៃនេះផងដែរ។
សូមបញ្ជាក់ថា ជំនួបលើកទី១របស់លោកដូណាល់ ត្រាំ និង លោក គីម ជុងអ៊ុន គឺធ្វើឡើងនៅសិង្ហបុរី៕
Tag:
ហ៊ុន សែន
Nguyen Phu Trong
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
