កីឡាអន្តរជាតិ
អន្តរជាតិ
ប្រាក់ឈ្នួលថ្លៃបំផុតនៅ Chelsea៖ Kante ឈរលេខ១ ខណៈអ្នកចាំទី Kepa នៅលេខរៀងទី៤
× ក្លិប Chelsea បានចំណាយប្រាក់យ៉ាងច្រើននៅដើមរដូវកាល ២០១៨-២០១៩ ដើម្បីទិញចូលកីឡាករថ្មីមួយចំនួនដែលមានតម្លៃខ្លួនថ្លៃៗ និងប្រាក់ឈ្នួលខ្ពស់។ បើទោះមានកីឡាករល្អៗរួចស្រាប់ ប៉ុន្តែលោក Maurizio Sarri នៅតែត្រូវការសមាជិកបន្ថែមអំឡុងពេលទីផ្សារដោះដូរកីឡារលើកទី២កាលពីខែមករាដោយបានខ្ចីជើងខ្សែប្រយុទ្ធ Gonzalo Higuain ពី Juventus។
ក្រុមរហស្សនាមតោខៀវបានបញ្ចេញខ្ទង់ចំណាយ ១២៨លានផោន (១៦៥លានដុល្លារ) នៅដើមរដូវកាល ដើម្បីនាំចូលកីឡាករ២រូបរួមមាន Jorginho ពី Napoli ក្នុងតម្លៃ ៧៣លានដុល្លារ និង អ្នកចាំទី Kepa Arrizabalaga ក្នុងតម្លៃកំណត់ត្រា ៩២លានដុល្លារពី Athletic Bilbao។ ក្រៅពីនោះពួកគេក៏បានខ្ចីជើងខ្សែបម្រើ Mateo Kovacic ពី Real Madrid និង អ្នចាំទី Rob Green ដោយគ្នានតម្លៃផ្ទេរ និងបញ្ចេញកីឡាករខ្លះផងដែរដូចជាលក់អ្នកចាំទី Thibaut Courtois ទៅឲ្យ Real និង Tiemoué Bakayoko ទៅឲ្យ AC Milan ខ្ចីជើង។
បើទោះមានសមាសភាពកីឡាករល្អៗរួចហើយក្តីប៉ុន្តែ Chelsea នៅតែបង្ហាញទម្រង់លេងមិនសមប្រកបដដែល។ រហូតដល់ទីផ្សារដោះលើកទី២នៅខែមករាលោក Sarri បានចរចាខ្ចីជើងខ្សែប្រយុទ្ធ Gonzalo Higuain ពី Juventus មកជួយក្រុមបន្ថែមទៀត ប៉ុន្តបានបញ្ចេញ Alvaro Morata ឲ្យ AT-Madrid ខ្ចីជើងវិញដែរ។
ការនាំចូលកីឡាករបន្ថែមលើកីឡាករដែលមានស្រាប់នោះ Chelsea នឹងត្រូវបង្កើនការចំណាយលើប្រាក់ឈ្នួលកីឡាករសម្រាប់រដូវកាលនេះដ៏ច្រើនផងដែរ។
បើតាមការវាយតម្លៃរបស់ Financial Fair Play (FFP) ក្លិបដែលមានមូលដ្ឋាននៅក្នុងឡុងដ៍នឹងចំណាយប្រាក់៣១៩០៣៧០ដុល្លារអាមេរិកក្នុងមួយសប្តាហ៍សម្រាប់ថ្លៃពលកម្មទៅលើកីឡាករទាំង២៣នាក់គិតចាប់ពីខែមករា ឆ្នាំ២០១៩នេះតទៅ។ Chelsea ស្ថិតនៅចំណាត់ថ្នាក់ទី៤បន្ទាប់ពី Manchester United, Manchester City និង Liverpool ក្នុងនាមក្លិបដែលចំណាយប្រាក់ឈ្នួលច្រើនជាងគេនៅ Premier League។
ក្នុងចំណោមកីឡាករទាំងអស់របស់ Chelsea ខ្សែបម្រើសញ្ជាតិបារាំង N’Golo Kanté ទទួលបានប្រាក់ឈ្នួលប្រចាំសប្តាហ៍ថ្លៃជាងគេរហូតដល់ ៣៨ម៉ឺនដុល្លារអាមេរិកក្រោយយល់ព្រមបន្តកិច្ចសន្យារហូតដល់ឆ្នាំ២០២១។ Gonzalo Higuain ដែលទើបនាំចូលនៅខែមករា នៅលេខរៀទី២ ទទួលបានប្រាក់ឈ្នួលជាង៣៥ម៉ឺនដុល្លារអាមេរិក តាមពីក្រោយដោយខ្សែបម្រើឆ្នើម Edin Hazard (២៥៨០០០ដុល្លារអាមេរិក) និងអ្នកចាំទី Kepa Arrizabalaga (២៥ម៉ឺនដុល្លារអាមេរិក)។
ខាងក្រោមនេះជាតារាងថ្លៃឈ្នួលកីឡាករទាំង២៣រូបរបស់ Chelsea សម្រាប់រដូវកាលនេះគិតចាប់ពីខែមករាឆ្នាំ២០១៩នេះតទៅ៖
Tag:
បាល់ទាត់
Chelsea
ប្រាក់ឈ្នួល
© រក្សាសិទ្ធិដោយ thmeythmey.com