​លោក Young-jin ជា​ជំនួយការ​របស់លោក Park Hang-seo ដែល​បាន​ជួយ​ក្រុម​វៀតណាម​លើក​ពាន AFF Suzuki Cup ឆ្នាំ​២០១៨ និង​នាំ​ក្រុម​ផ្កាយ​មាស​នេះ​បង្ហាញ​ភាពលេច​ធ្លោ​ដោយ​អាច​ឈានដល់​វគ្គ​១/៤​ផ្តាច់ព្រ័ត្រ​ពាន Asian Cup ទៀតផង​។​

 

​វា​ជា​ឆ្នាំ​ដ៏​មមាញឹក​សម្រាប់​ក្រុម​ជម្រើសជាតិ​វៀតណាម​ដែល​ពួកគេ​នឹង​ត្រូ​ច​ចូលរួម​ប្រកួត​ក្នុង​វគ្គ​ជម្រុះ​សម្រាប់​ក្រុម U-23 នៅ​ឆ្នាំ​២០២០ ការប្រកួត​ជម្រុះ World Cup ឆ្នាំ​២០២២ និង​ព្រឹត្តិការណ៍​ស៊ី​ហ្គេម​ដែល​ហ្វី​លី​ពិន​ធ្វើ​ម្ចាស់ផ្ទះ​នៅ​ចុង​ឆ្នាំនេះ​។​

 

​លោក Young-Jin អាយុ​៥៥​ឆ្នាំ បានចាប់ផ្តើម​អាជីព​នេះ​នៅ​ឆ្នាំ ១៩៨៦ ហើយ​លោក​ក៏​ជា​សមាជិក​ក្រុម​ជម្រើសជាតិ​កូរ៉េខាងត្បូង​ក្នុងការ​ចូលរួម​ប្រកួត​ពាន World Cup ឆ្នាំ​១៩៩០ និង ១៩៩៤ ផងដែរ​។​

 

​រហូតដល់​ឆ្នាំ ១៩៩៧ លោក​បាន​ក្លាយជា​កីឡាករ​ផង និង​ជា​អ្នកចាត់ការ​ក្រុម Anyang LG Cheetahs ផង មុនពេល​លោក​តែងតាំង​គ្រូបង្វឹក​ក្រុម FC Seoul នៃ​លី​គ​កំពូល​កូរ៉េខាងត្បូង K.League ចន្លោះ​ពី​ឆ្នាំ​១៩៩៨​ដល់​២០០៤​។​

 

​នៅ​ឆ្នាំ​២០១៧ លោក Young-Jin បាន​ទៅ​ចូលរួម​ជា​ជំនួយការ​លោក Park Hang-seo ដើម្បី​ដឹកនាំ​ឈុត​ធំ​វៀតណាម និង U-23 រហូត​ក្លាយជា​គ្រូ​បង្គោល​សម្រាប់​ក្រុម U-22 វៀតណាម​ឆ្នាំ​២០១៩​នេះ​៕

​