កីឡាជាតិ
ជាតិ
«Tiger Army» ជាឈ្មោះផ្លូវការសម្រាប់ហៅក្រុមអ្នកគាំទ្រក្លិបអង្គរថាយហ្គឺរ
×![]()
ក្លិបបាល់ទាត់អង្គរថាយហ្គឺរបានបង្កើតក្រុមអ្នកគាំទ្រ ដែលមានឈ្មោះជាភាសាបរទេសថា«Tiger Army» ដើម្បីសម្គាល់អ្នកគាំទ្រផ្ទាល់ខ្លួនរបស់ក្លិប។ ការបង្កើតនេះ គឺបន្ទាប់ពីក្លិបមានមូលដ្ឋាននៅខេត្តសៀមរាបមួយនេះ ជាប់ជាក្លិបមានទស្សនិកជនមកគាំទ្រការប្រកួតច្រើនជាងគេប្រចាំឆ្នាំ២០១៨។
«Tiger Army»គឺជាឈ្មោះក្រុមដែលត្រូវបានបង្កើតឡើងដើម្បីសម្គាល់អ្នកគាំទ្រពិតប្រាកដរបស់ក្លិបបាល់ទាត់អង្គរថាយហ្គឺរ។ ក្រៅពីសម្គាល់អ្នកគាំទ្រ ការបង្កើតឈ្មោះក្រុមអ្នកគាំទ្រផ្ទាល់ខ្លួននេះ ក៏ដើម្បីលើកទឹកចិត្តកីឡាករពេលប្រកួតក្រៅទឹកដី និងក្នុងទឹកដីនៅខេត្តសៀមរាបផងដែរ។
កត្តាដែល ជំរុញឲ្យក្លិបមានមូលដ្ឋាននៅខេត្តសៀមរាបបង្កើតក្រុមនេះឡើង បន្ទាប់ពីក្លិបអង្គរថាយហ្គឺរបានជាប់ជាក្លិមមានទស្សនិកជនមកគាំទ្រច្រើនជាងគេប្រចាំឆ្នាំ២០១៨។ សមាជិក Tiger Army ម្នាក់ៗនឹងទទួលបានការហ្វឹកហាត់ និងបណ្តុះបណ្តាលផ្សេងៗពីរបៀប ក៏ដូចជាទម្រង់នៃការគាំទ្រ។ លើសពីនេះ ពួកនឹងទទួលបានអាវយឺតអ្នកគាំទ្រពីក្លិបដោយឥតគិតថ្លៃទៀតផង៕
Tag:
បាល់ទាត់
អង្គរថាយហ្គឺរ
Tiger Army
© រក្សាសិទ្ធិដោយ thmeythmey.com
