អន្តរជាតិ
រដ្ឋមន្ត្រីក្រសួងយុត្តិធម៌អ៊ីស្រាអែលថា លោកមានផែនការចោទប្រកាន់នាយក រដ្ឋមន្ត្រីពីបទពុករលួយ
×![]()
ដោយ: VOA
រដ្ឋមន្ត្រីក្រសួងយុត្តិធម៌អ៊ីស្រាអែល បានប្រកាសកាលពីថ្ងៃព្រហស្បតិ៍ពីគោលបំណងរបស់លោកដើម្បីចោទប្រកាន់នាយករដ្ឋមន្ត្រី Benjamin Netanyahu លើបទចោទប្រ កាន់ពុករលួយជាច្រើន ជាព្រឹត្តិការណ៍មួយដែលអាចបញ្ចប់អាជីពនយោបាយរបស់លោក Netanyahu។
លោក Avichai Mandelbli រដ្ឋមន្ត្រីក្រសួងយុត្តិធម៌ បានប្រកាសផែនការរបស់លោកបន្ទាប់ពីការស៊ើបអង្កេតអស់រយៈពេលជាង២ឆ្នាំ។
សេចក្តីលម្អិតនោះ មិនបានចេញផ្សាយភ្លាមៗទេ ក៏ប៉ុន្តែ លោក Mandelbli បាននិយាយថា លោក មានបំណងសុខចិត្តទទួលយកអនុសាសន៍របស់ប៉ូលិសឲ្យចោទប្រកាន់លោក Netanyahu ពីបទពុករលួយ ការរំលោភសេចក្តីទុកចិត្តនិងការលួចបន្លំ។
ដីកាណាមួយប្រឆាំងនឹងលោក Netanyahu គឺជាលើកទីមួយនៅក្នុងប្រវត្តិសាស្ត្រអ៊ី ស្រាអែលដែលនាយករដ្ឋមន្ត្រីកំពុងកាន់ដំណែងត្រូវបានរងការចោទប្រកាន់ពីឧក្រិដ្ឋ កម្ម។
លោក Netanyahu ដែលចូលរួមក្នុងយុទ្ធនាឃោសនាឈរឈ្មោះបោះឆ្នោតដ៏ក្តៅគគុកម្តងទៀត បានច្រានចោលថា លោកមិនបានធ្វើអ្វីខុសទេ។
គណបក្ស Likud ដែលជាគណបក្សស្តាំនិយមរបស់លោក Netanyahu បានច្រានចោលដីការនោះថាជាការធ្វើទុកបុកម្នេញខាងនយោបាយ។
នាយករដ្ឋមន្ត្រី Netanyahu ត្រូវគេរំពឹងនឹងធ្វើសន្និសីទកាសែតនៅល្ងាចថ្ងៃនេះ៕
© រក្សាសិទ្ធិដោយ thmeythmey.com
