អន្តរជាតិ
×![]()
បម្រែបម្រួលអាកាសធាតុកំពុងផ្តាច់ពូជត្រីនៅជុំវិញពិភពលោក ដោយបណ្តាលឲ្យបរិមាណត្រីដល់ទៅ ៣៥ ភាគរយបាត់បង់ក្នុងតំបន់ឆ្នេរក្បែរប្រទេសចិននិងជប៉ុន។ នេះបើតាមការសិក្សាមួយចុះផ្សាយក្នុងទស្សនាវដ្តី Science កាលពីសប្តាហ៍មុន។ 
កម្តៅមហាសមុទ្របានបង្កឲ្យបរិមាណត្រីសកលប្រមាណ៤ភាគរយបាត់បង់ ដែលអ្នកវិទ្យាសាស្ត្រចាត់ទុកថាជាចំនួនដ៏ច្រើនបំផុតមួយ។ ដោយប្រើប្រាស់ទិន្នន័យសកលស្តីពីបរិមាណត្រី និងផែនទីនៃសីតុណ្ហភាពមហាសមុទ្រ អ្នកវិទ្យាសាស្ត្រមួយក្រុមពីសកលវិទ្យាល័យ Rutgers ក្នុងរដ្ឋ New Jersey សហរដ្ឋអាមេរិក បានវិភាគលើការផ្លាស់ប្តូរនៃបរិមាណត្រីនេះ។
យោងតាមការចុះផ្សាយរបស់សារព័ត៌មាន CNN អ្នកវិទ្យាសាស្ត្របានរកឃើញថា ហេតុផលនៃការធ្លាក់ចុះនេះគឺបណ្តាលមកពីកំណើនសីតុណ្ហភាពពិភពលោកចន្លោះពីឆ្នាំ១៩៣០ និងឆ្នាំ២០១០។ អ្នកវិទ្យាសាស្ត្រ និយាយថា ពួកគេភ្ញាក់ផ្អើលជាខ្លាំង ក្រោយរកឃើញថាបម្រែបម្រួលអាកាសធាតុបង្កផលប៉ះពាល់យ៉ាងធ្ងន់ធ្ងរលើបរិមាណត្រីសកលបែបនេះ និងព្រមានទៀតថា ការបាត់បង់នេះ អាចគំរាមកំហែងដល់ជីវភាពនិងការផ្គត់ផ្គង់អាហាររបស់មនុស្សរាប់លាននាក់។
តួយ៉ាង មនុស្សជាង៥៦លាននាក់នៅជុំវិញពិភពលោក កំពុងប្រកបការងារក្នុងឧស្សាហកម្មនេសាទត្រី។ ការបរិភោគអាហារសមុទ្រ អាចផ្តល់ប្រូតេអ៊ីនប្រមាណ២ដងលើសពីសត្វចញ្ចឹមទាំងអស់ក្នុងបណ្តាប្រទេសកំពុងអភិវឌ្ឍ។ បើតាមអ្នកវិទ្យាសាស្ត្រដដែល តំបន់ដែលបាត់បង់បរិមាណត្រីខ្លាំងបំផុតគឺស្ថិតក្នុងតំបន់ឆ្នេររបស់អាស៊ីរួមមាន សមុទ្រចិនខាងកើត ជាទីដែលបរិមាណត្រីធ្លាក់ចុះពី១៥ទៅ៣៥ភាគរយក្នុងរយៈពេល៨០ឆ្នាំចុងក្រោយនេះ។
ទាក់ទិននឹងរឿងនេះ អ្នកជំនាញផ្នែកប្រព័ន្ធអេកូឡូស៊ី លោក Chris Free និយាយថា ការដាំក្បាលចុះនៃបរិមាណត្រីក្នុងតំបន់អាស៊ីបូព៌ាគឺជាកង្វល់មួយ ដ្បិតតំបន់នេះមានប្រជាជនរស់នៅច្រើន ដូច្នេះតម្រូវការអាហារសមុទ្រក៏មានទំហំច្រើនផងដែរ។ ខណៈដែលបរិមាណត្រីចេះតែបន្តធ្លាក់ចុះនោះ បណ្តាប្រទេសក្នុងតំបន់នេះអាចចាប់ផ្តើមការនាំចូលត្រីពីប្រទេសផ្សេងទៀត ដែលអាចធ្វើឲ្យតម្លៃកើនឡើង៕
កម្តៅមហាសមុទ្របានបង្កឲ្យបរិមាណត្រីសកលប្រមាណ៤ភាគរយបាត់បង់ ដែលអ្នកវិទ្យាសាស្ត្រចាត់ទុកថាជាចំនួនដ៏ច្រើនបំផុតមួយ។ ដោយប្រើប្រាស់ទិន្នន័យសកលស្តីពីបរិមាណត្រី និងផែនទីនៃសីតុណ្ហភាពមហាសមុទ្រ អ្នកវិទ្យាសាស្ត្រមួយក្រុមពីសកលវិទ្យាល័យ Rutgers ក្នុងរដ្ឋ New Jersey សហរដ្ឋអាមេរិក បានវិភាគលើការផ្លាស់ប្តូរនៃបរិមាណត្រីនេះ។
យោងតាមការចុះផ្សាយរបស់សារព័ត៌មាន CNN អ្នកវិទ្យាសាស្ត្របានរកឃើញថា ហេតុផលនៃការធ្លាក់ចុះនេះគឺបណ្តាលមកពីកំណើនសីតុណ្ហភាពពិភពលោកចន្លោះពីឆ្នាំ១៩៣០ និងឆ្នាំ២០១០។ អ្នកវិទ្យាសាស្ត្រ និយាយថា ពួកគេភ្ញាក់ផ្អើលជាខ្លាំង ក្រោយរកឃើញថាបម្រែបម្រួលអាកាសធាតុបង្កផលប៉ះពាល់យ៉ាងធ្ងន់ធ្ងរលើបរិមាណត្រីសកលបែបនេះ និងព្រមានទៀតថា ការបាត់បង់នេះ អាចគំរាមកំហែងដល់ជីវភាពនិងការផ្គត់ផ្គង់អាហាររបស់មនុស្សរាប់លាននាក់។
តួយ៉ាង មនុស្សជាង៥៦លាននាក់នៅជុំវិញពិភពលោក កំពុងប្រកបការងារក្នុងឧស្សាហកម្មនេសាទត្រី។ ការបរិភោគអាហារសមុទ្រ អាចផ្តល់ប្រូតេអ៊ីនប្រមាណ២ដងលើសពីសត្វចញ្ចឹមទាំងអស់ក្នុងបណ្តាប្រទេសកំពុងអភិវឌ្ឍ។ បើតាមអ្នកវិទ្យាសាស្ត្រដដែល តំបន់ដែលបាត់បង់បរិមាណត្រីខ្លាំងបំផុតគឺស្ថិតក្នុងតំបន់ឆ្នេររបស់អាស៊ីរួមមាន សមុទ្រចិនខាងកើត ជាទីដែលបរិមាណត្រីធ្លាក់ចុះពី១៥ទៅ៣៥ភាគរយក្នុងរយៈពេល៨០ឆ្នាំចុងក្រោយនេះ។
ទាក់ទិននឹងរឿងនេះ អ្នកជំនាញផ្នែកប្រព័ន្ធអេកូឡូស៊ី លោក Chris Free និយាយថា ការដាំក្បាលចុះនៃបរិមាណត្រីក្នុងតំបន់អាស៊ីបូព៌ាគឺជាកង្វល់មួយ ដ្បិតតំបន់នេះមានប្រជាជនរស់នៅច្រើន ដូច្នេះតម្រូវការអាហារសមុទ្រក៏មានទំហំច្រើនផងដែរ។ ខណៈដែលបរិមាណត្រីចេះតែបន្តធ្លាក់ចុះនោះ បណ្តាប្រទេសក្នុងតំបន់នេះអាចចាប់ផ្តើមការនាំចូលត្រីពីប្រទេសផ្សេងទៀត ដែលអាចធ្វើឲ្យតម្លៃកើនឡើង៕
© រក្សាសិទ្ធិដោយ thmeythmey.com
