ជាតិ
សម្តេច ហ៊ុន សែន៖ បើតែងតាំងស្ត្រីក្នុងជួរដឹកនាំ ត្រូវឲ្យការងារពួកគាត់ធ្វើផង
× សម្តេចនាយករដ្ឋមន្ត្រី ហ៊ុន សែន នាពិធីអបអរសាទរទិវានារីអន្តរជាតិ នៅព្រឹកថ្ងៃអង្គារ ទី៥ ខែមីនា នេះ បានស្នើទៅគ្រប់ស្ថាប័នឲ្យយកចិត្តទុកដាក់ក្នុងការផ្តល់មុខតំណែងដល់ស្ត្រី ជាប្រធាននាយកដ្ឋាន អនុប្រធាននាយកដ្ឋាន អគ្គនាយក ឬអគ្គនាយករងជាដើម។
ទាក់ទងនឹងការតែងតាំងទាំងនោះ សម្តេចបានជំរុញឲ្យក្រសួង ស្ថាប័ន ផ្តល់ការងារច្បាស់លាស់ដល់ស្ត្រី ដោយមិនត្រូវអះអាងថា ខ្លួនលើកកម្ពស់យេនឌ័រ ប៉ុន្តែស្ត្រីនៅតែមិនមានសិទ្ធិក្នុងការសម្រេចចិត្ត និងធ្វើការងារសំខាន់ៗ។
ជាមួយគ្នានេះ សម្តេចបានស្នើទៅក្រសួងមុខងារសាធារណៈ ផ្តល់ទិដ្ឋាការដល់រដ្ឋមន្ត្រីនៅតាមបណ្តាក្រសួង លើសិទ្ធិតែងតាំងអនុប្រធាននាយកដ្ឋាន៕
© រក្សាសិទ្ធិដោយ thmeythmey.com