កីឡាអន្តរជាតិ
អន្តរជាតិ
ក្លិបឆ្មាខ្មៅ Sunderland មានបណ្តាញក្រុមអ្នកគាំទ្រផ្លូវការនៅកូរ៉េខាងជើង
× ក្រុមកីឡាបាល់ទាត់ Sunderland បានបើកសាខាក្លិបអ្នកគាំទ្ររបស់ពួកគេជាផ្លូវការនៅកូរ៉េខាងជើង។ ក្រុមដែលស្ថិតក្នុងក្របខណ្ឌ League One លីគលំដាប់ទី៣អង់គ្លេសនេះ បានប្រកាសបែបនេះកាលពីសប្តាហ៍មុន។
ក្រោយកិច្ចចរចារវាងលោកប្រធានាធិបតីអាមេរិក ដូណាល់ ត្រាំ និងមេដឹកនាំកូរ៉េខាងជើង លោក គីម ជុងអ៊ុន បានបញ្ចប់ដោយគ្មានកិច្ចព្រមព្រៀងអ្វីសោះ ប៉ុន្តែមានរឿងផ្សេងមួយដែលហាក់ដូចជាកំពុងរីកចម្រើនទៅវិញ គឺទំនាក់ទំនងរវាកូរ៉េខាងជើងជាមួយក្លិបបាល់ទាត់ Sunderland។
វាជាការអរគុណដល់លោក Tom Fowdy ដែលមានកំណើតក្នុងក្រុង Sunderland ប្រទេសអង់គ្លេស និងបញ្ចប់ការសិក្សានៅ Oxford ក្នុងជំនាញសិក្សាប្រវត្តិសាស្ត្រចិន ហើយបានបង្កើតក្រុមហ៊ុនទេសចរណ៍ មួយដែលរៀបចំឲ្យភ្ញៀវទេសចរលោកខាងលិចធ្វើដំណើរទស្សនកិច្ចទៅកាន់រដ្ឋកុម្មុយនីសនេះ។
លោក Tom Fowdy (ស្តាំ) ទៅកាន់កូរ៉េខាងជើងកាលពីឆ្នាំ២០១០ ដើម្បីផ្សព្វផ្សាយពីក្រុម Sunserland
មិនត្រឹមតែប៉ុណ្ណោះលោក Fowdy ដែលជាអ្នកគាំទ្រក្រុមបាល់ទាត់ Sunderland ដ៏ខ្លាំងក្លាមួយរូបនោះ មានគំនិតបង្កើតឲ្យមានសាខាក្រុមអ្នកគាំទ្រក្លិបរហស្សនាមឆ្មាខ្មៅនេះ នៅក្នុងប្រទេសកូរ៉េខាងជើងថែមទៀតផង។
លោក Fowdy បានប្រាប់ទូរទស្សន៍ BBC Sport ពីទីក្រុងសេអ៊ូល កូរ៉េខាងត្បូងថា៖ «ខ្ញុំចង់បំផុសគំនិតដើម្បីឈានដល់ការចូលរួមនិងចែករំលែកចំណូលចិត្តរបស់ក្រុមកីឡាបាល់ទាត់របស់ខ្ញុំជាមួយកូរ៉េខាងជើង។ ប្រជាជនកូរ៉េខាងជើងពិតជាស្រលាញ់បាល់ទាត់ណាស់ ហើយវាជាកីឡាជាតិរបស់ពួកគេ និងជាកីឡាពេញនិយមបំផុតនៅក្នុងឧបទ្វីបកូរ៉េនេះ។ ការយល់ដឹងរបស់ពួកគេអំពីបាល់ទាត់គឺធំជាងអ្វីដែលយើងធ្លាប់គិតកន្លងមក»។
ការបង្កើតក្រុមអ្នកគាំទ្រផ្លូវការលើកដំបូងរបស់ Sunderland ក្នុងទឹកដីកូរ៉េខាងជើងនេះលោក Fowdy ជឿជាក់ថាវានឹងមានឥទ្ធិពល ដ្បិតប្រជាជន រួមទាំងមេដឹកនាំកូរ៉េខាងជើងនេះស៊ុតតែអ្នកចូលចិត្តកីឡា៕
Tag:
បាល់ទាត់
កូរ៉េខាងជើង
Sunderland
© រក្សាសិទ្ធិដោយ thmeythmey.com