អន្តរជាតិ
ហ៊ីឡារី គ្លីនតុន មិនឈរឈ្មោះក្នុងឆ្នាំ ២០២០ទេ តែប្តេជ្ញាជួយបក្សប្រជាធិបតេយ្យដណ្តើមសេតវិមានមកវិញ
×![]()
ដោយ: ថ្មីៗ
អតីតស្ត្រីទីមួយ និងជាអតីតបេក្ខជនប្រធានាធិបតីឆ្នាំ ២០១៦ លោកស្រី ហ៊ីឡារី គ្លីនតុន បានប្រកាសច្បាស់ៗថា ខ្លួននឹងមិនចូលរួមប្រកួតប្រជែងយកតំណែងប្រធានាធិបតី ឆ្នាំ ២០២០ឡើយ។ ថ្វីបើមិនប្រឡូកក្នុងជីវភាពនយោបាយក្តី លោកស្រីបានសង្កត់ធ្ងន់ថា ពីនេះទៅមុខលោកស្រីនៅតែបន្តបញ្ចេញមតិ និងធ្វើការងារលើបញ្ហានយោបាយដើម្បីប្រយោជន៍សាធារណៈ។ 
«ខ្ញុំមិនឈរឈ្មោះទេ»។ នេះជាសម្តីរបស់បេក្ខជនប្រធានាធិបតីបក្សប្រជាធិបតេយ្យឆ្នាំ ២០១៦ ហ៊ីឡារី គ្លីនតុន ថ្លែងក្នុងបទសម្ភាសន៍ជាមួយសារព័ត៌មាន News 12 Westchester នៅថ្ងៃទី ៤ខែមីនា។
ថ្វីបើអតីរដ្ឋមន្ត្រីការបរទេសរូបនេះមិនចូលប្រឡូកយកតំណែងប្រធានាធិបតីជាថ្មីក៏ដោយ លោកស្រីបានប្រកាសជាសាធារណៈថា លោកស្រីនឹងបន្តការងារលើបញ្ហានយោបាយ និងបន្តបញ្ចេញមតិយោបល់តាមដែលអាចធ្វើបានដើម្បីធានាប្រយោជន៍ប្រជាជនអាមេរិក។
«ខ្ញុំចង់បញ្ជាក់ឲ្យច្បាស់ថា ប្រជាជនយល់បានថា ខ្ញុំនឹងបន្តនិយាយពីបញ្ហានយោបាយ។ ខ្ញុំមិនទៅណាឡើយ។ រាល់អ្វីដែលស្ថិតក្នុងគ្រោះថ្នាក់ក្នុងប្រទេសយើង និងរឿងរ៉ាវដែលកំពុងកើតឡើងឥឡូវនេះជារឿងគួរឲ្យព្រួយបារម្ភសម្រាប់ខ្ញុំ»។ លោកស្រី គ្លីនតុន ថ្លែងក្នុងបទសម្ភាសន៍ដូច្នេះ។
ការប្រកាសជាផ្លូវការរបស់លោកស្រី គ្លីនតុន ជុំវិញការឈរឈ្មោះនេះ បានបញ្ចប់រាល់ការទស្សន៍ទាយកន្លងមកថា លោកស្រីអាចនឹងចូលរួមជាមួយបណ្តាអ្នកនយោបាយបក្សប្រជាធិបតេយ្យឯទៀតដើម្បីប្រជែងយកកៅអីប្រធានាធិបតីក្នុងការបោះឆ្នោតឆ្នាំ ២០២០ខាងមុខដែរ។
ដោយឡែក ក្រៅពីបន្តនិយាយពីបញ្ហានយោបាយ លោកស្រី គ្លីនតុន សន្យាថា លោកស្រីនឹងបន្តតួនាទីសកម្មក្នុងដំណើរការបោះឆ្នោតខាងមុខជាពិសេសជ្រោមជ្រែងបណ្តាបេក្ខជនបក្សប្រជាធិបតេយ្យដែលប្រកាសឈរឈ្មោះ។ លោកស្រីបានជួបជាមួយបេក្ខជនទាំងនោះ និងបានណែនាំបេក្ខជនទាំងនោះឲ្យ ប្រឹងប្រែងធ្វើយ៉ាងណាដើម្បីដណ្តើមសេតវិមានត្រឡប់មកវិញ។
«ខ្ញុំបានប្រាប់ពួកគេថា កុំចាត់ទុករឿងគ្រប់យ៉ាងថាធម្មតា ទោះជាយើងមានបញ្ហាដែលកំពុងកើតឡើងច្រើន ហើយរដ្ឋបាលបច្ចុប្បន្នមិនអាចបំពេញការសន្យារបស់ខ្លួនដែលចាំបាច់ត្រូវលើកឡើងឲ្យគេឯងបានដឹងក៏ដោយ។ យើងចាំបាច់ត្រូវប្រឹងប្រែងខ្លាំងតាមដែលអាចធ្វើបានដើម្បីទាក់ទាញការគាំទ្រពីប្រជាជនអាមេរិក។ ខ្ញុំនឹងធ្វើគ្រប់យ៉ាងតាមដែលអាចធ្វើបានដើម្បីជួយបក្សប្រជាធិបតេយ្យដណ្តើមសេតវិមានមកវិញ»។ នេះជាការពន្យល់បន្ថែមរបស់លោកស្រី។
មកដល់បច្ចុប្បន្នសមាជិកបក្សប្រជាធិបតេយ្យជាច្រើននាក់បានប្រកាសពីបេក្ខភាពរបស់ខ្លួនក្នុងការប្រជែងយកតំណែងប្រធានាធិបតីក្នុងចំណោមនោះមានសមាជិកព្រឹទ្ធដែលមានប្រជាប្រិយភាពខ្ពស់មួយចំនួនដូចជាលោកស្រី Elizabeth Warren និងលោក Bernie Sanders៕
«ខ្ញុំមិនឈរឈ្មោះទេ»។ នេះជាសម្តីរបស់បេក្ខជនប្រធានាធិបតីបក្សប្រជាធិបតេយ្យឆ្នាំ ២០១៦ ហ៊ីឡារី គ្លីនតុន ថ្លែងក្នុងបទសម្ភាសន៍ជាមួយសារព័ត៌មាន News 12 Westchester នៅថ្ងៃទី ៤ខែមីនា។
ថ្វីបើអតីរដ្ឋមន្ត្រីការបរទេសរូបនេះមិនចូលប្រឡូកយកតំណែងប្រធានាធិបតីជាថ្មីក៏ដោយ លោកស្រីបានប្រកាសជាសាធារណៈថា លោកស្រីនឹងបន្តការងារលើបញ្ហានយោបាយ និងបន្តបញ្ចេញមតិយោបល់តាមដែលអាចធ្វើបានដើម្បីធានាប្រយោជន៍ប្រជាជនអាមេរិក។
«ខ្ញុំចង់បញ្ជាក់ឲ្យច្បាស់ថា ប្រជាជនយល់បានថា ខ្ញុំនឹងបន្តនិយាយពីបញ្ហានយោបាយ។ ខ្ញុំមិនទៅណាឡើយ។ រាល់អ្វីដែលស្ថិតក្នុងគ្រោះថ្នាក់ក្នុងប្រទេសយើង និងរឿងរ៉ាវដែលកំពុងកើតឡើងឥឡូវនេះជារឿងគួរឲ្យព្រួយបារម្ភសម្រាប់ខ្ញុំ»។ លោកស្រី គ្លីនតុន ថ្លែងក្នុងបទសម្ភាសន៍ដូច្នេះ។
ការប្រកាសជាផ្លូវការរបស់លោកស្រី គ្លីនតុន ជុំវិញការឈរឈ្មោះនេះ បានបញ្ចប់រាល់ការទស្សន៍ទាយកន្លងមកថា លោកស្រីអាចនឹងចូលរួមជាមួយបណ្តាអ្នកនយោបាយបក្សប្រជាធិបតេយ្យឯទៀតដើម្បីប្រជែងយកកៅអីប្រធានាធិបតីក្នុងការបោះឆ្នោតឆ្នាំ ២០២០ខាងមុខដែរ។
ដោយឡែក ក្រៅពីបន្តនិយាយពីបញ្ហានយោបាយ លោកស្រី គ្លីនតុន សន្យាថា លោកស្រីនឹងបន្តតួនាទីសកម្មក្នុងដំណើរការបោះឆ្នោតខាងមុខជាពិសេសជ្រោមជ្រែងបណ្តាបេក្ខជនបក្សប្រជាធិបតេយ្យដែលប្រកាសឈរឈ្មោះ។ លោកស្រីបានជួបជាមួយបេក្ខជនទាំងនោះ និងបានណែនាំបេក្ខជនទាំងនោះឲ្យ ប្រឹងប្រែងធ្វើយ៉ាងណាដើម្បីដណ្តើមសេតវិមានត្រឡប់មកវិញ។
«ខ្ញុំបានប្រាប់ពួកគេថា កុំចាត់ទុករឿងគ្រប់យ៉ាងថាធម្មតា ទោះជាយើងមានបញ្ហាដែលកំពុងកើតឡើងច្រើន ហើយរដ្ឋបាលបច្ចុប្បន្នមិនអាចបំពេញការសន្យារបស់ខ្លួនដែលចាំបាច់ត្រូវលើកឡើងឲ្យគេឯងបានដឹងក៏ដោយ។ យើងចាំបាច់ត្រូវប្រឹងប្រែងខ្លាំងតាមដែលអាចធ្វើបានដើម្បីទាក់ទាញការគាំទ្រពីប្រជាជនអាមេរិក។ ខ្ញុំនឹងធ្វើគ្រប់យ៉ាងតាមដែលអាចធ្វើបានដើម្បីជួយបក្សប្រជាធិបតេយ្យដណ្តើមសេតវិមានមកវិញ»។ នេះជាការពន្យល់បន្ថែមរបស់លោកស្រី។
មកដល់បច្ចុប្បន្នសមាជិកបក្សប្រជាធិបតេយ្យជាច្រើននាក់បានប្រកាសពីបេក្ខភាពរបស់ខ្លួនក្នុងការប្រជែងយកតំណែងប្រធានាធិបតីក្នុងចំណោមនោះមានសមាជិកព្រឹទ្ធដែលមានប្រជាប្រិយភាពខ្ពស់មួយចំនួនដូចជាលោកស្រី Elizabeth Warren និងលោក Bernie Sanders៕
Tag:
ហ៊ីឡារី គ្លីនតុន
បោះឆ្នោតប្រធានាធិបតី ២០២០
បក្សប្រជាធិបតេយ្យ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
