អន្តរជាតិ
លោក ត្រាំ ថា លុបចោលសមយុទ្ធយោធាដើម្បីសន្សំលុយ មិនមែនធ្វើសម្បទានឲ្យកូរ៉េខាងជើងទេ
រូបភាព AFP
×![]()
ដោយ: តន ចាន់រិទ្ធារ៉ា
សមយុទ្ធយោធារួមគ្នាធំៗចំនួនពីរ ត្រូវបានអាមេរិក និងកូរ៉េខាងត្បូងសម្រេចចិត្តលុបចោល និងបន្ថយទំហំប្រតិបត្តិការ។ ការសម្រេចចិត្តលុបចោលដែលប្រកាសក្រោយជំនួបបរាជ័យរវាងអាមេរិក និងកូរ៉េខាងជើងនៅវៀតណាម ត្រូវបានគេយល់ថា ជាការផ្ដល់សម្បទានឲ្យរបបដឹកនាំផ្ដាច់ការកូរ៉េខាងជើង។ ប៉ុន្តែលោកប្រធានាធិបតី ដូណាល់ ត្រាំ អះអាងថា អាមេរិកគ្រាន់តែចង់សន្សំលុយ ហើយលោកក៏មិនបានជជែកពីបញ្ហានេះជាមួយមេដឹកនាំកូរ៉េខាងជើងដែរ។
ប្រធានាធិបតីអាមេរិក ដូណាល់ ត្រាំ បានទាត់ចោលព័ត៌មានដែលថា លោកបញ្ជាឲ្យលុបចោលសមយុទ្ធរួមគ្នាជាមួយកូរ៉េខាងត្បូង ដើម្បីជាសម្បទានឲ្យកូរ៉េខាងជើង។ ការបដិសេធរបស់លោក ត្រាំ ធ្វើឡើងបន្ទាប់ពីអាមេរិក និងកូរ៉េខាងត្បូងសម្រេចចិត្តលុបចោលសមយុទ្ធ Key Resolve ដែលមានគោលដៅរក្សាការប្រុងប្រៀបប្រយុទ្ធក្នុងពេលមានជម្លោះ ហើយជំនួយវិញដោយសមយុទ្ធទ្រង់ទ្រាយតូច Dong Maeng ដែលចាប់ផ្ដើមកាលពីថ្ងៃទី៤ ខែមីនា និងធ្វើឡើងមួយសប្ដាហ៍។
ក្រៅពីសមយុទ្ធ Key Reslove អាមេរិក និងកូរ៉េខាងត្បូងក៏ឯកភាពគ្នាបង្រួមទំហំសមយុទ្ធ Foal Eagle មួយទៀត ហើយជំនួយដោយលំហាត់រយៈពេលខ្លីមួយទៀតដែរ។ ប្រព័ន្ធផ្សព្វផ្សាយអាមេរិកចាត់ទុកការសម្រេចចិត្តនេះជាការផ្គាប់ចិត្តកូរ៉េខាងជើង ព្រោះការលុបចោលនេះ កើតឡើងក្រោយជំនួបរវាងលោក ត្រាំ និងមេដឹកនាំកូរ៉េខាងជើង គីម ជុងអ៊ុន នៅវៀតណាមកាលពីសប្ដាហ៍មុន ដែលមិនទទួលលទ្ធផលអ្វីសោះនោះ។
ជុំវិញបញ្ហានេះ លោក ត្រាំ បានសរសេរតាម twitter នៅថ្ងៃទី៤ ខែមីនា ថា សមយុទ្ធយោធា ឬល្បែងសង្គ្រាម មិនត្រូវបានជជែកឡើយនាជំនួបនៅហាណូយ ហើយលោកសម្រេចចិត្តពីរឿងនេះ ជាយូរមកហើយ ព្រោះអាមេរិកចំណាយលុយច្រើនពេក ហើយកូរ៉េខាងត្បូងក៏មិនបានជួយចេញថ្លៃនោះវិញដែរ។
ទោះលើកហេតុផលសន្សំលុយក្ដី ការសម្រេចចិត្តរបស់អាមេរិក ប្រៀដូចជាការអនុវត្តតាមការចង់បានរបស់កូរ៉េខាងជើងដូច្នោះដែរ។ វត្តមានយោធាអាមេរិកចំនួន២៨៥០០នាក់ និងការធ្វើសមយុទ្ធទ្រង់ទ្រាយធំជាច្រើនលើកនាពេលរាប់សិបឆ្នាំមកនេះ ពិតជាធ្វើឲ្យកូរ៉េខាងជើងក្ដៅស្លឹកត្រចៀកមិនតិចឡើយ។ ក្រុងព្យុងយ៉ាងចាត់ទុកសមយុទ្ធរួមគ្នានេះ ជាការត្រៀមឈ្លានពានខ្លួន ហើយទាមទារឲ្យលុបចោលដាច់ខាត។
តាមពិតទៅ លោក ត្រាំ លើកឡើងពីការលុបចោលសមយុទ្ធធំៗជាមួយកូរ៉េខាងត្បូងចាប់តាំងពីជំនួបនៅសិង្ហបុរីមក។ វាក៏ធ្វើឲ្យមានការបារម្ភនៅកូរ៉េខាងត្បូងដែរ។ នេះក៏ព្រោះតែការលុបចោលសមយុទ្ធនេះអាចប៉ះពាល់ដល់ការត្រៀមប្រយុទ្ធរបស់កងទ័ពសម្ព័ន្ធមិត្តក្នុងករណីសង្គ្រាមផ្ទុះឡើង ហើយម្យ៉ាងទៀតនោះ កូរ៉េខាងជើងក៏មិនបានធ្វើអ្វីជាដុំកំភួននៅឡើយដែរក្នុងការរំសាយនុយក្លេអ៊ែរនោះ៕
ប្រធានាធិបតីអាមេរិក ដូណាល់ ត្រាំ បានទាត់ចោលព័ត៌មានដែលថា លោកបញ្ជាឲ្យលុបចោលសមយុទ្ធរួមគ្នាជាមួយកូរ៉េខាងត្បូង ដើម្បីជាសម្បទានឲ្យកូរ៉េខាងជើង។ ការបដិសេធរបស់លោក ត្រាំ ធ្វើឡើងបន្ទាប់ពីអាមេរិក និងកូរ៉េខាងត្បូងសម្រេចចិត្តលុបចោលសមយុទ្ធ Key Resolve ដែលមានគោលដៅរក្សាការប្រុងប្រៀបប្រយុទ្ធក្នុងពេលមានជម្លោះ ហើយជំនួយវិញដោយសមយុទ្ធទ្រង់ទ្រាយតូច Dong Maeng ដែលចាប់ផ្ដើមកាលពីថ្ងៃទី៤ ខែមីនា និងធ្វើឡើងមួយសប្ដាហ៍។
ក្រៅពីសមយុទ្ធ Key Reslove អាមេរិក និងកូរ៉េខាងត្បូងក៏ឯកភាពគ្នាបង្រួមទំហំសមយុទ្ធ Foal Eagle មួយទៀត ហើយជំនួយដោយលំហាត់រយៈពេលខ្លីមួយទៀតដែរ។ ប្រព័ន្ធផ្សព្វផ្សាយអាមេរិកចាត់ទុកការសម្រេចចិត្តនេះជាការផ្គាប់ចិត្តកូរ៉េខាងជើង ព្រោះការលុបចោលនេះ កើតឡើងក្រោយជំនួបរវាងលោក ត្រាំ និងមេដឹកនាំកូរ៉េខាងជើង គីម ជុងអ៊ុន នៅវៀតណាមកាលពីសប្ដាហ៍មុន ដែលមិនទទួលលទ្ធផលអ្វីសោះនោះ។
ជុំវិញបញ្ហានេះ លោក ត្រាំ បានសរសេរតាម twitter នៅថ្ងៃទី៤ ខែមីនា ថា សមយុទ្ធយោធា ឬល្បែងសង្គ្រាម មិនត្រូវបានជជែកឡើយនាជំនួបនៅហាណូយ ហើយលោកសម្រេចចិត្តពីរឿងនេះ ជាយូរមកហើយ ព្រោះអាមេរិកចំណាយលុយច្រើនពេក ហើយកូរ៉េខាងត្បូងក៏មិនបានជួយចេញថ្លៃនោះវិញដែរ។
ទោះលើកហេតុផលសន្សំលុយក្ដី ការសម្រេចចិត្តរបស់អាមេរិក ប្រៀដូចជាការអនុវត្តតាមការចង់បានរបស់កូរ៉េខាងជើងដូច្នោះដែរ។ វត្តមានយោធាអាមេរិកចំនួន២៨៥០០នាក់ និងការធ្វើសមយុទ្ធទ្រង់ទ្រាយធំជាច្រើនលើកនាពេលរាប់សិបឆ្នាំមកនេះ ពិតជាធ្វើឲ្យកូរ៉េខាងជើងក្ដៅស្លឹកត្រចៀកមិនតិចឡើយ។ ក្រុងព្យុងយ៉ាងចាត់ទុកសមយុទ្ធរួមគ្នានេះ ជាការត្រៀមឈ្លានពានខ្លួន ហើយទាមទារឲ្យលុបចោលដាច់ខាត។
តាមពិតទៅ លោក ត្រាំ លើកឡើងពីការលុបចោលសមយុទ្ធធំៗជាមួយកូរ៉េខាងត្បូងចាប់តាំងពីជំនួបនៅសិង្ហបុរីមក។ វាក៏ធ្វើឲ្យមានការបារម្ភនៅកូរ៉េខាងត្បូងដែរ។ នេះក៏ព្រោះតែការលុបចោលសមយុទ្ធនេះអាចប៉ះពាល់ដល់ការត្រៀមប្រយុទ្ធរបស់កងទ័ពសម្ព័ន្ធមិត្តក្នុងករណីសង្គ្រាមផ្ទុះឡើង ហើយម្យ៉ាងទៀតនោះ កូរ៉េខាងជើងក៏មិនបានធ្វើអ្វីជាដុំកំភួននៅឡើយដែរក្នុងការរំសាយនុយក្លេអ៊ែរនោះ៕
Tag:
អាមេរិក
កូរ៉េខាងត្បូង
កូរ៉េខាងជើង
© រក្សាសិទ្ធិដោយ thmeythmey.com
