អ្នកជំនាញ នឹងធ្វើកោសល្យវិច័យរកអាយុកាល បដិមា និងកុលាលភាជន៍ ដែលប្រទះឃើញនៅគ្រឹះអគាអគ្គិសនីកម្ពុជា

ជាតិ

អ្នកជំនាញ នឹងធ្វើកោសល្យវិច័យរកអាយុកាល បដិមា និងកុលាលភាជន៍ ដែលប្រទះឃើញនៅគ្រឹះអគាអគ្គិសនីកម្ពុជា

07, Mar 2019 , 12:29 pm

រូបភាព

រូបពីក្រសួងវប្បធម៌និងវិចិត្រសិល្បៈ

ដោយ: ប៉ូ សាគុន

ភ្នំពេញ៖ មន្ត្រីជំនាញ នឹងធ្វើកោសល្យវិច័យរកអាយុកាល លើវត្ថុមួយចំនួន ដែលប្រទះឃើញនៅពេលជីកគ្រឹះសាងសង់អគារអគ្គិសនីកម្ពុជាបន្ថែម នៅខាងកើតវត្តភ្នំ។ វត្ថុទាំងនោះ មានបដិមាសាងពីថ្មភក់ បដិមាពីលោហៈ និងកុលាលភាជន៍រឹងជាច្រើនទៀត។

លោក ជំ វុទ្ធី ប្រធានមន្ទីរវប្បធម៌ និងវិចិត្រសិល្បៈរាជធានីភ្នំពេញ បានប្រាប់សារព័ត៌មានថ្មីៗតាមទូរសព្ទថា លោកមិនទាន់អាចកំណត់អត្តសញ្ញាណវត្ថុទាំងនោះបានថា វាជាវត្ថុបុរាណ ឬយ៉ាងណានោះទេ។ លោក វុទ្ធី បញ្ជាក់បន្តថា៖«យើងរង់ចាំការប្រមូលវត្ថុទាំងនោះចប់សព្វគ្រប់ ទើបយើងយកទៅធ្វើកោសល្យវិច័យរកអាយុកាល។ ប្រហែលជា២សប្ដាហ៍ទៀត ទើបអាចបញ្ចប់ការប្រមូលវត្ថុទាំងនោះ»។

រូបពីក្រសួងវប្បធម៌និងវិចិត្រសិល្បៈ

ទន្ទឹមនឹងបញ្ជាក់ពីការងារប្រមូល និងធ្វើកោសល្យវិច័យវត្ថុទាំងនេះ ក្រសួងវប្បធម៌ រួមទាំងមន្ទីរវប្បធម៌ និងវិចិត្រសិល្បៈ បានស្នើឲ្យសាធារណជន រាយការណ៍ទៅកាន់មន្ត្រីជំនាញ ប្រសិនបើបានជួបប្រទះរាល់វត្ថុនានា ដែលសង្ស័យថាជាវត្ថុបុរាណ ដើម្បីឲ្យមន្ត្រីជំនាញចុះទៅពិនិត្យ កំណត់សញ្ញាណវត្ថុទាំងនោះ។

សូមបញ្ជាក់ថា កាលពី ឆ្នាំ២០១៩ គេបានប្រទះឃើញវត្ថុទាំងនេះ ត្រូវបានប្រទះឃើញនៅ ថ្ងៃទី២៧ និងថ្ងៃទី២៨ ខែកុម្ភៈ និងទី១ ខែមីនាកន្លងទៅ នៅពេលជីកគ្រឹះសាងសង់អគារអគ្គិសនីកម្ពុជាខាងកើតវត្តភ្នំបន្ថែម៕