ជាតិ
សម្ដេច ហ៊ុន សែន ស្នើឲ្យអ្នកនិពន្ធ និងដឹកនាំត្រូវគិតពីគុណភាពរឿង ដោយកុំផលិតរូបភាពក្បត់ខ្លឹមសារ
× ភ្នំពេញ៖ បញ្ហាគុណភាពរឿងនៅតែជាចំណុចខ្វះខាត ហើយការផលិតរូបភាពក្បត់ខ្លឹមសារ ជាចំណុចដែលត្រូវចៀសវាង។ នេះជាអ្វីដែលសម្ដេចនាយករដ្ឋមន្ត្រី ហ៊ុន សែន មើលឃើញ ហើយស្នើឲ្យអ្នកនិពន្ធ និងអ្នកដឹកនាំរឿង យកចិត្តទុកដាក់លើបញ្ហានេះ។
ដោយមិននិយាយចំពីចំណងជើងនៃភាពយន្តនោះ សម្ដេច ហ៊ុន សែន បានលើកយកករណីសាច់រឿងមួយ ត្រង់វគ្គដែលតួអង្គស្លាប់មកនិយាយ។ ចំណុចដែលសម្ដេច មើលឃើញថា វាមានភាពខ្វះខាតនោះ គឺត្រង់នៅពេលឈុតតួអង្គស្ត្រីហៀបស្លាប់ បែរជាអ្នកដឹកនាំរឿងរៀបចំឲ្យតួអង្គនោះ មានការតុបតែងមុខស្រស់ស្អាត ដែលហាក់ដូចជាមិនមែនមនុស្សជិតដាច់ខ្យល់ស្លាប់ទៅវិញ។ ត្រង់ចំណុចនេះហើយ ទើបសម្ដេច ហ៊ុន សែន ស្នើឲ្យអ្នកនិពន្ធ និងអ្នកដឹកនាំរឿង គិតគូពីគុណភាពរឿង ដោយកុំផលិតរូបភាពក្បត់ខ្លឹមសារ។
សូមស្ដាប់ប្រសាសន៍សម្ដេច ហ៊ុន សែន ថ្លែងក្នុងពិធីបិទមហោស្រពសិល្បៈយុវជនទូទាំងប្រទេសឆ្នាំទី៥ និងពិធីជួបជុំសិល្បករទូទាំងប្រទេសលើកទី២ ៖
© រក្សាសិទ្ធិដោយ thmeythmey.com