កីឡាអន្តរជាតិ
អន្តរជាតិ
កីឡាការិនីវាយកូនបាល់ទាំង១០ដែលមានកេរ្តិ៍ឈ្មោះល្បីល្បាញលើលោក
× កីឡាការិនីវាយកូនបាល់ល្អបំផុតដែលទទួលបានកេរ្តិ៍ឈ្មោះល្បីក្នុងប្រវត្តិសាស្ត្រគឺដោយសារពួកគេបានខិតខំប្រជែងឈ្នះជើងឯកពានរង្វាន់លំដាប់កំពូលៗជាច្រើនដូចជា Grand Slam ម្ចាស់មេដាយមាសកីឡាអូឡាំពិក និងពានកម្រិតពិភពលោកផ្សេងទៀត។
ក្នុងបញ្ជីអ្នកវាយកូនបាល់ស្ត្រីដែលជាប់ឈ្មោះក្នុងកំណត់ត្រាទាំង១០រូបរួមមានកីឡាការិនី Steffi Graf, Serena Williams, Martina Navratilova, Chris Evert, Monica Seles, Billie Jean King, Maria Sharapova, Margaret Court, Venus Williams និង Martina Hingis។
អ្នកទាំង១០រូបខាងលើសុទ្ធតែធ្លាប់ឈ្នះ Grand Slam ពីគ្រប់កម្មវិធីរៀងៗខ្លួនគ្រាន់តែតិច និងច្រើនប៉ុណ្ណោះ។ Grand Slam ជាពានលំដាប់កំពូលដែលរៀបចំឡើងក្នុង៤ព្រឹត្តិការណ៍ក្នុងនោះមាន Australian Open, French Open, US Open និង Wimbledon។ ក្រៅពីនេះក៏មានពាន WTA ផងដរ។
តាមរយៈការសាងភាពល្បីល្បាញបែបនេះ តារាវាយកូនបាល់ឆ្នើមខាងលើបានក្លាយបុគ្គលបំផុសគំនិតសម្រាប់ស្ត្រីដទៃទៀតនៅជុំវិញពិភពលោកឲ្យមានភាពក្លាហានដើម្បីសាងជីវិតរុងរឿងដូចពួកគេផងដែរ។ ការប្តេជ្ញាចិត្ត ការខិតខំប្រឹងប្រែងបានផ្តល់ឲ្យពួកគេអាចរក្សាឈ្មោះមិនអាចបំភ្លេចបាននៅក្នុងវិស័យកីឡានេះ។
ខាងក្រោមនេះយើងនឹងបង្ហាញពីកម្រិតភាពល្បីល្បាញរបស់កីឡាការិនីទាំង១០ដែលចាត់តាំងដោយសហព័ន្ធកីឡាវាយកូនបាល់ពិភពលោក ដោយក្នុងនោះ Serena Williams ឈនៅកំពូលតារាង៖
១- Serena Williams៖ កីឡាការិនីសញ្ញជាតិអាមេរិក វ័យ៣៧ឆ្នាំ ធ្លាប់ឈ្នះ Gram Slam ២៣សម័យ ក្នុងនោះ Australian Open ៧ដង French Open ៣ដង US Open ៦ដង និង Wimbledon ៧ដង។
២- Steffi Graf៖ កីឡាការិនីសញ្ជាតិអាល្លឺម៉ង់ វ័យ៤៩ឆ្នាំ ធ្លាប់ឈ្នះ Gram Slam ក្នុងនោះ Australian Open ៤ដង French Open ៦ដង Wimbledon ៧ដង និង US Open ៥ដង។
៣- Martina Navratilova កីឡាការិនីរបស់សាធារណរដ្ឋឆេក វ័យ៦២ឆ្នាំ ធ្លាប់ឈ្នះ Gram Slam ១៨សម័យ ក្នុងនោះ Australian Open ៣ដង French Open ២ដង Wimbledon ៩ដង និង US Open ៤ដង។
៤- Billie Jean King កីឡាការិនីសញ្ញជាតិអាមេរិក វ័យ៧៥ឆ្នាំ ធ្លាប់ឈ្នះ Gram Slam ១២សម័យ ក្នុងនោះ Australian Open ១ដង French Open ១ដង Wimbledon ៦ដង និង US Open ៤ដង។
៥- Chris Evert កីឡាការិនីសញ្ជាតិអាមេរិក វ័យ៦៤ឆ្នាំ ធ្លាប់ឈ្នះ Gram Slam ១៨សម័យ ក្នុងនោះ Australian Open ២ដង French Open ៧ដង Wimbledon ៣ដង និង US Open ៦ដង។
៦- Maria Sharapova កីឡាការិនីសញ្ជាតិរុស្ស៊ី វ័យ៣១ឆ្នាំ ធ្លាប់ឈ្នះ Gram Slam ៥សម័យ ក្នុងនោះ Australian Open ១ដង French Open ២ដង Wimbledon ១ដង និង US Open ១ដង។
៧- Margaret Court កីឡាការិនីសញ្ជាតិអូស្ត្រាលី វ័យ៧៦ឆ្នាំ ធ្លាប់ឈ្នះ Gram Slam ២៤សម័យ ក្នុងនោះ Australian Open ១១ដង French Open ៥ដង Wimbledon ៣ដង និង US Open ៥ដង។
៨- Venus Williams កីឡាការិនីសញ្ជាតិអាមេរិក វ័យ៣៨ឆ្នាំ ធ្លាប់ឈ្នះ Gram Slam ៧សម័យ ក្នុងនោះ Wimbledon ៥ដង និង US Open ២ដង។
៩- Monica Seles កីឡាការិនីសញ្ជាតិអាមេរិក វ័យ៤៥ឆ្នាំ ធ្លាប់ឈ្នះ Gram Slam ៩សម័យ ក្នុងនោះ Australian Open ៤ដង French Open ៣ដង និង US Open ២ដង។
១០- Martina Hingis កីឡាការិនីសញ្ជាតិស្វីស វ័យ៣៨ឆ្នាំ ធ្លាប់ឈ្នះ Gram Slam ៥សម័យក្នុងនោះ Australian Open ៣ដង Wimbledon ១ដង និង US Open ១ដង៕
Tag:
វាយកូនបាល់
Grand Slam
សិទ្ធនារី
© រក្សាសិទ្ធិដោយ thmeythmey.com