ពីនេះ ពីនោះ
ព័ត៍មានសុខភាព
ស្មានមិនដល់សោះថា ការទទួលទានយឺតៗ ផ្ដល់អត្ថប្រយោជន៍ច្រើនយ៉ាងនេះចំពោះសុខភាព
×![]()
ដោយ: ថ្មីៗ
ភាគច្រើននៃពួកយើងប្រហែលជាមិនធ្លាប់បានដឹងទេថា ការទទួលទានអាហារយឺតៗអាចផ្ដល់អត្ថប្រយោជន៍គួរឱ្យភ្ញាក់ផ្អើលចំពោះសុខភាព! ថាតើគ្រាន់តែទទួលទានដោយមិនបង្ខំ ឬប្រញាប់ប្រញាលល្អយ៉ាងណាខ្លះទៅ? ថ្ងៃនេះវេបសាយសុខភាព Health.com.kh នឺងបង្ហាញឱ្យដឹងពីមូលហេតុដែលអ្នកគួរព្យាយាមទទួលទានយឺតៗជាងមុន ៖
១. ជួយឱ្យស្រកទម្ងន់
ខួរក្បាលអាចនឹងដឹងថាក្រពះរបស់អ្នកមានផ្ទុកអាហារពេញនៅរយៈពេលពី ១៥ ទៅ ២០ នាទីក្រោយ។ ដូច្នេះវាមានន័យថា ក្រពះអាចនឹងឆ្អែតដោយអ្នកមិនបានដឹង ហើយក៏បន្តទទួលទានអាហារច្រើនជាងការចាំបាច់។ ជាលទ្ធផលអ្នកនឹងកើនទម្ងន់គួរឱ្យកត់សម្គាល់។ ដើម្បីជាការប្រសើរជៀសផុតពីបញ្ហាផ្សេងៗ រួមទាំងការឡើងទម្ងន់ ចូរទំពារអាហារយឺតរហូតដល់ម៉ដ្ឋល្អសឹមលេប។ ការទទួលទានយឺតៗអនុញ្ញាតឱ្យខួរក្បាលបញ្ជូនសញ្ញាប្រាប់អ្នកឱ្យឈប់ទទួលទាននៅពេលត្រឹមត្រូវ គឺនៅពេលដែលក្រពះឆ្អែត ឬពេញហើយ។
២. បង្កើនការរំលាយអាហារ
មួយក្នុងចំណោមមូលហេតុដទៃទៀតដែលធ្វើឱ្យអ្នកឈឺក្រពះ គឺការទទួលទានលឿន ឬញាប់។ ដូច្នេះនៅមុនពេលអ្នកលេបអាហារ ត្រូវប្រាកដថាអ្នកទំពារបានម៉ដ្ឋល្អសិនដើម្បីជួយសម្រួលដល់ដំណើរការរំលាយអាហារ។ លើសពីនេះទៅទៀត ការទទួលទានយឺតៗអនុញ្ញាតឱ្យអង់ស៊ីមផ្សេងៗក្នុងទឹកមាត់ធ្វើការបំបែក ឬជួយអាហារបានកាន់តែប្រសើរឡើង។
៣. ជួយបំបាត់ស្ត្រេស
ការទទួលទានយឺតៗជួយកាត់បន្ថយភាពតានតឹងក្នុងអារម្មណ៍ ដោយសារវាទាមទារឱ្យអ្នកផ្ដោតអារម្មណ៍លើការទំពារ។ ហើយនៅពេលអ្នកទំពារអាហារបានម៉ដ្ឋល្អ រាងកាយនឹងអាចទទួលបាននូវសារធាតុចិញ្ចឹមពេញលេញតាមដែលត្រូវការដើម្បីជួយការពារអ្នកពីឥទ្ធិពលផ្សេងៗនៃជីវិតដែលពោរពេញដោយភាពតានតឹង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
