កីឡាអន្តរជាតិ
អន្តរជាតិ
UCL៖ Man City ឡើងវគ្គ១/៤ផ្តាច់ព្រ័ត្រ ក្រោយឈ្នះ Schalke ៧-០ រូបភាពពីទំព័រផ្លូវការ UCL
× Manchester City នៅតែអាចរកជ័យជម្នះរបស់ខ្លួនដោយយកឈ្នះ Schalke 04 ដល់ទៅ ៧-០ នៃការប្រកួតជើងទី២ វគ្គ១៦ក្រុមចុងក្រោយ ដើម្បីបន្តទៅកាន់វគ្គ ១/៤ផ្តាច់ព្រ័ត្រ ពានរង្វាន់ UEFA Champions League។
កាលពីជំនួបជើងទី១ Man City ដែលជាក្រុមភ្ញៀវ បានយកឈ្នះក្រុមពីអាល្លឺម៉ង់ Schalke ៣-២។ ត្រលប់ទៅកាន់ទឹកដី Etihad សម្រាប់ប្រកួតជើងទី២ នៅរាត្រីថ្ងៃទី១២ ខែមីនា ក្រុមរហស្សនាមមេឃខៀវអាចរកបានដល់ទៅ៧គ្រាប់បន្ថែមទៀត។ សរុបលទ្ធផលការប្រកួតទាំងពីរជើង Man City ឈ្នះ Schalke ១០-២។
៧គ្រាប់របស់ក្រុមម្ចាស់ការពារតំណែងជើងឯក Premier League ធ្វើបានដោយ Sergio Aguero ២គ្រាប់ Leroy Sane, Raheem Sterling, Bernardo Silva, Phil Foden និង Gabriel Jesus ម្នាក់១គ្រាប់។
Man City ជាក្រុមទី៣ពីក្របខណ្ឌកំពូលអង់គ្លេសបន្ទាប់ពី Manchester United និង Tottenham Hotspur ដែលបន្តឈានទៅកាន់វគ្គ៨ក្រុមចុងក្រោយនៃព្រឹត្តិការណ៍កំពូលអឺរ៉ុបសម្រាប់រដូវកាល ២០១៨-២០១៩ ខណៈ Liverpool ត្រូវតទល់ជាមួយ Bayern Munich ដើម្បីកាត់សេចក្តីសម្រាប់ជំនួបជើងទី២នៅយប់នេះ៕
Tag:
UEFA Champions League
© រក្សាសិទ្ធិដោយ thmeythmey.com