ជាតិ
លោក យន្ត មីន បញ្ជាឲ្យចាប់ក្រុមមេខ្យល់ដែលប្រើល្បិច «ឈ្នះបានដី ចាញ់បានលុយ»
×![]()
ដោយ: ឡាយ សុភាវតី
អភិបាលខេត្តព្រះសីហនុ លោក យន្ត មីន បានបើកកិច្ចប្រជុំបន្ទាន់មួយដើម្បីចាត់វិធានការណ៍ចំពោះអ្នកដែលដើរចាប់ដីអនាធិបតេយ្យក្នុងមូលដ្ឋានខេត្តព្រះសីហនុ។ លោកបានដាក់បទបញ្ជាឲ្យតាមចាប់មុខសញ្ញាមេខ្យល់ ជាពិសេសក្រុមដែលប្រមូលផ្តុំគ្នាធ្វើសកម្មភាពរំលោភយកដីនៅទំនេរ និងទីតាំងសាធារណៈផ្សេងៗ នារយៈពេលចុងក្រោយនេះ។
«ប្រទេសមានច្បាប់ ត្រូវតែអនុវត្ត មិនអាចបណ្ដែតបណ្ដោយឲ្យក្រុមអនាធិបតេយ្យមកក្រឡុក ធ្វើព្យុះ ធ្វើភ្លៀងបង្កបញ្ហាឥតឈប់ឈរដូច្នះឡើយ»។ នេះជាការលើកឡើងរបស់ លោក យន្ត មីន ដែលដកស្រង់ដោយរដ្ឋបាលខេត្តព្រះសីហនុ កាលពីថ្ងៃទី១២ ខែមីនា។
នាកិច្ចប្រជុំកាលពីថ្ងៃទី១១ ខែមីនា ដែលមានការចូលរួមពីសំណាក់អភិបាលក្រុង-ស្រុកទាំង៤ ថ្នាក់ដឹកនាំនគរបាល និងរាជអាវុធហត្ថ លោកអភិបាលខេត្ត បានគូសបញ្ជាក់ថា មនុស្សជាច្រើនក្រុម បានចូលទៅទន្ទ្រានកាន់កាប់វាស់ដីចែកគ្នានៅស្ទើរគ្រប់ស្រុក។
លោក យន្ត មីន ស្នើឲ្យផ្តោតសំខាន់លើការអប់រំផ្សព្វផ្សាយ និងបង្ក្រាបរាល់សកម្មភាពអាណាធិបតេយ្យ ជាពិសេសក្រុមដែលប្រើយុទ្ធសាស្ត្រ ក្រោមល្បិច «ឈ្នះបានដី ចាញ់បានលុយ»៕
Tag:
ខេត្តព្រះសីហនុ
ទន្ទ្រានយកដី
ចាប់មេខ្យល់
© រក្សាសិទ្ធិដោយ thmeythmey.com
