តើលោកអ្នកស្គាល់អ្វីទៅ ជាកម្មវិធី CamDEBATE ទេ? កម្មវិធី CamDEBATE គឺជាវេទិកាលើកកម្ពស់ដល់វប្បធម៌ ចែករំលែកទស្សនវិស័យនានា រវាងយុវជនកម្ពុជា ក្នុងនាមលើកកម្ពស់ និងពង្រឹងការយល់ដឹង ចំណងមិត្តភាព និងចំណេះទាំងឡាយ តាមរយៈការធ្វើបទបង្ហាញជាសាធារណៈ និង ការតស៊ូមតិ (Public Speaking and Debate)។
កម្មវិធីនេះ ផ្ដោតលើការខិតខំ និងព្យាយាមយ៉ាងផ្ចិតផ្ចង់ ទៅលើការចែករំលែកគំនិតល្អៗ រវាងសិស្សានុសិស្ស និងអ្នកជំនាញវ័យក្មេងក្នុងសង្គម។ បេក្ខជន នឹងមានឱកាសចូលរួមចែករំលែកទស្សនវិស័យ ក្នុងបរិយាកាសមួយពោរពេញដោយភាពក្លាហាន ចាប់តាំងពីវគ្គសាកល្បងដំបូង រហូតដល់វគ្គផ្ដាច់ព្រ័ត។ បេក្ខជននឹងបានស្វែងយល់ ថែមទាំងទទួលបានចំណេះដឹងអំពីបញ្ហាជាតិនិងអន្តរជាតិសំខាន់ៗបន្ថែមទៀត។
សិស្សានុសិស្សកម្ពុជាធ្វើដំណើរទស្សនកិច្ចសិក្សានៅចក្រភពអង់គ្លេស
គោលបំណងនៃការបង្កើតកម្មវិធី CamDEBATE នេះគឺដើម្បីផ្ដល់ជា វេទិកាពង្រឹង និងគាំទ្រការអភិវឌ្ឍន៍ជំនាញដោះស្រាយបញ្ហា ការគិតវែកញ៉ែក និងជំនាញអន្តរបុគ្គល ដល់និសិត្ស និងអ្នកជំនាញវ័យក្មេងក្នុងប្រទេសកម្ពុជា។ កម្មវិធីនេះ ក៏ជាការផ្តល់ឱកាសដល់បេក្ខជនដែលមានបំណងចូលរួមក្នុងការតស៊ូមតិ និងធ្វើបទបង្ហាញជាសាធារណៈជាភាសាអង់គ្លេស ដើម្បីបង្កើននិងបង្ហាញភាពស្ទាត់ជំនាញរបស់ពួកគេ។ ទន្ទឹមនឹងនេះ CamDEBATE នឹងផ្តល់ឱកាសសម្រាប់អភិវឌ្ឍន៍ជំនាញសំខាន់នានា ដែលមានប្រយោជន៍ដល់ការសិក្សា ការអភិវឌ្ឍន៍ផ្ទាល់ខ្លួន និងឱកាសការងាររបស់បេក្ខជន។ លើសពីនេះទៀត កម្មវិធីនេះ នឹងជាឱកាសដល់អ្នកចូលរួមក្រេបយកចំណេះវិជ្ជា ការស្វែងយល់ និងចេះបញ្ចេញយោបល់ លើប្រធានបទស្មុគស្មាញជាច្រើន ដែលទាំងនេះនឹងរួមចំណែកដល់ការអភិវឌ្ឍន៍បុគ្គលគ្រប់រូប និងឱកាសពង្រីកខ្សែបណ្ដាញ សម្រាប់បេក្ខជនដែលមកពីតំបន់ ឬមានជាតិសាសន៍ខុសគ្នា។
បេក្ខជនដែលកំពុងស្នាក់នៅក្នុងប្រទេសកម្ពុជាទាំងអស់ ដែលមានចំណាប់អារម្មណ៍ អាចចូលរួមប្រកួតក្នុងកម្មវិធី CamDEBATE នេះបាន ដោយការប្រកួតគឺបែងចែកតាមអាយុជាពីរប្រភេទ គឺ សិស្សវិទ្យាល័យ និងនិស្សិត និងបុគ្គលិកការិយាល័យវ័យក្មេង ដែលមានអាយុក្រោម២៥ឆ្នាំ។ សម្រាប់សិស្សវិទ្យាល័យ បេក្ខជនត្រូវមានអាយុយ៉ាងហោចណាស់ ១៥ឆ្នាំឡើងទៅ និងកំពុងសិក្សានៅវិទ្យាល័យនៅក្នុងប្រទេសកម្ពុជា អំឡុងពេលដែលចុះឈ្មោះ។
សម្រាប់និស្សិត និងបុគ្គលិកការិយាល័យវ័យក្មេងវិញ បេក្ខជនត្រូវមានអាយុអាយុក្រោម ២៥ឆ្នាំ និងកំពុងសិក្សាកម្រិតមហាវិទ្យាល័យ ឬបម្រើការងារ ឬមានមុខរបរផ្ទាល់ខ្លួននៅក្នុងប្រទេសកម្ពុជាអំឡុងពេលដែលចុះឈ្មោះ។ បេក្ខជន CamDEBATE គ្រប់រូបត្រូវចុះឈ្មោះ និងបង់ប្រាក់មុនថ្ងៃទី ៣០ ខែមេសា ឆ្នាំ២០១៩។
លើសពីនេះបេក្ខជនទាំងអស់ នឹងទទួលបានការបណ្តុះបណ្តាល ដូចជាចូលរួមវគ្គពង្រឹងជំនាញធ្វើបទបង្ហាញជាសាធារណៈ និងការតស៊ូមតិ ដែលនឹងផ្ដល់់ឲ្យដោយគ្រូណែនាំជំនាញ (mentor) មកពីសាលានិងស្ថាប័នផ្សេងៗដែលជាដៃគូសហការ របស់ CamDEBATE។
តាមដំណាក់កាលនីមួយៗនៃការប្រកួត បេក្ខជននឹងទទួលបានការបណ្តុះបណ្តាលពិសេស ទាក់ទិននឹងជំនាញធ្វើបទបង្ហាញជាសាធារណៈ និងការតស៊ូមតិ។ មុនឈានចូលវគ្គផ្ដាច់ព្រ័ត្រ បេក្ខជននឹងទទួលបានការបណ្តុះបណ្តាលរយៈពេលមួយខែ ដើម្បីត្រៀមខ្លួនប្រកួតវគ្គផ្ដាច់ព្រ័ត្រ។
សិស្សានុសិស្សកម្ពុជាធ្វើដំណើរទស្សនកិច្ចសិក្សានៅចក្រភពអង់គ្លេស
គួររំលឹកថា សម្រាប់ការប្រកួតតស៊ូមតិ ក្រុមជ័យលាភីនៃប្រភេទអាយុ «សិស្សវិទ្យាល័យ» និង មួយក្រុមទៀតនៃប្រភេទ «និស្សិត និងបុគ្គលិកការិយាល័យ» (សរុប ៦ នាក់) រួមនឹងបេក្ខជនជ័យលាភី ២ រូប នៃការប្រកួតធ្វើបទបង្ហាញជាសាធារណៈ នៃក្រុមអាយុនីមួយៗ(សរុប ៤នាក់) នឹងទទួលបានដំណើរទស្សនកិច្ចសិក្សា ទៅកាន់ចក្រភពអង់គ្លេសរយៈពេល ២សប្តាហ៍ រួមបញ្ជូលទាំងរង្វាន់ផ្សេងៗទៀតដូចជា ពានរង្វាន់មេដាយ អាហារូបករណ៍សិក្សានៅ ACE ផ្ទាល់ លិខិតបញ្ជាក់ជ័យលាភី និងកាដូរមួយឈុតថែមទៀតផង។
សិស្សានុសិស្សកម្ពុជាធ្វើដំណើរទស្សនកិច្ចសិក្សានៅចក្រភពអង់គ្លេស
ការប្រកួត CamDEBATE ប្រចាំឆ្នាំនេះ ចាប់ផ្ដើមទទួលពាក្យពីពេលនេះ រហូតដល់ថ្ងៃទី៣០ ខែមេសា ឆ្នាំ២០១៩។ ដើម្បីចុះឈ្មោះ សូមបេក្ខជនដែលចាប់អារម្មណ៍ត្រូវធ្វើតាមជំហានដូចខាងក្រោម:
• បេក្ខជនអាចធ្វើការបង់ប្រាក់ (20 ដុល្លារអាមេរិក) នៅការិយាល័យរបស់ សាលា ACE ទីតាំងណាក៏បាន មុនថ្ងៃទី 30 ខែមេសា ឆ្នាំ2019 ឬបេក្ខជនអាចធ្វើការបង់ប្រាក់ តាមរយៈបណ្ដាញ (Pay Online)។
• បេក្ខជនអាចចុះឈ្មោះចូលប្រកួតបានទាំងពីរមុខ (ការធ្វើបទបង្ហាញជាសាធារណៈ និង ការតស៊ូមតិ)។
• ប្រសិនបើបេក្ខជនធ្លាក់នៅវគ្គដំបូង (Audition Round) ពួកគេនឹងទទួលបានប្រាក់ដែលបានបង់ពេលចុះឈ្មោះវិញ។
ការប្រកួតប្រចាំឆ្នាំ CamDEBATE
នាំមកជូនដោយស្ថាប័ន IDP Education (ប្រទេសកម្ពុជា)
(អត្ថបទពាណិជ្ជកម្ម)