ជាតិ
សង្គមជាតិ
×![]()
ភ្នំពេញ៖ ប្រធានាធិបតីកូរ៉េខាងត្បូង លោក មូន ចេអ៊ីន (Moon Jae-in) ទៅដល់ទឹកដីអង្គរក្នុងអំឡុងម៉ោង១០កន្លះព្រឹកនេះ ដើម្បីទស្សនាប្រាសាទព្រះពិធូរដែលស្ថិតនៅក្នុងទឹកដីប្រាសាទអង្គរធំ ដែលប្រាសាទនេះកំពុងស្ថិតនៅក្នុងការជួសជួលរបស់ទីភ្នាក់ងារសហប្រតិបត្តិការកម្ពុជា-កូរ៉េ ។ បន្ទាប់ពីទស្សនាប្រាសាទព្រះពិធូររួច លោកប្រធានាធិបតីកូរ៉េ ទៅទស្សនាប្រាសាទអង្គរវត្តបន្តទៀត ទើបត្រឡប់មកកាន់រាជធានីភ្នំពេញវិញ។
លោក មូន ចេអ៊ីន ប្រធានាធិបតីកូរ៉េខាងត្បូង បានមកដល់ប្រទេសកម្ពុជានៅថ្ងៃទី១៤ ខែមីនា ក្នុងដំណើរទស្សនកិច្ចផ្លូវរដ្ឋ។ លោកបានចូលគាល់ ព្រះមហាក្សត្រ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី។
លោក មូន ក៏បានជួបជាមួយ សម្តេចនាយករដ្ឋមន្ត្រី ហ៊ុន សែន សម្រាប់ធ្វើវេទិកាធុរកិច្ចជាមួយគ្នា។ ដំណើរទស្សនកិច្ចរបស់លោក មូន ត្រូវបញ្ចប់នៅថ្ងៃទី១៦ ខែមីនា នេះ៕
Tag:
មូន ចេអ៊ីន
អង្គរវត្ត
© រក្សាសិទ្ធិដោយ thmeythmey.com
