ជាតិ
សង្គមជាតិ
រូបភាពពីអគ្គិសនីកម្ពុជា១
×![]()
ដោយ: ថ្មីៗ
ភ្នំពេញ៖ រដូវប្រាំងចាប់ពីខែមេសា ដល់ខែឧសភា នឹងធ្វើឲ្យអាកាសធាតុនៅកម្ពុជាក្តៅហួតហែង និងធ្វើឲ្យតំបន់ខ្លះមានភាពរាំងស្ងួតផងដែរនោះ ទើបជាមូលហេតុនាំឲ្យពលរដ្ឋមានការប្រើប្រាស់ថាមពលអគ្គិសនីកើនឡើងយ៉ាងគំហុក។ ខណៈដែលអគ្គិសនីកម្ពុជានៅខ្វះខាតថាមពលប្រើប្រាស់សម្រាប់ផ្គត់ផ្គង់ដល់ពលរដ្ឋ លោក កែវ រតនៈ អគ្គនាយកអគ្គិសនីកម្ពុជា សូមណែនាំឲ្យពលរដ្ឋត្រូវសន្សំសំចៃថាមពលជាចាំបាច់។
សេចក្តីណែនាំដែលចុះហត្ថលេខាដោយលោក កែវ រតនៈ អគ្គនាយកអគ្គិសនីកម្ពុជា បានណែនាំដល់គ្រប់អង្គភាពចំណុះអគ្គិសនីកម្ពុជាទាំងអស់ប្រើប្រាស់ថាមពលឲ្យសន្សំសំចៃខ្ពស់ ពោលប្រើភ្លើងបំភ្លឺតែនៅកន្លែងចាំបាច់ បិទឧបករណ៍ ដូចជាម៉ាស៊ីនត្រជាក់ឲ្យអស់លទ្ធភាព ហើយត្រូវតែប្រើភ្លើងបំភ្លឺតែនៅកន្លែងការពារសុខសុវត្ថិភាពតែប៉ុណ្ណោះ។
លោក កែវ រតនៈ បានបង្គាប់ឲ្យថ្នាក់ដឹកនាំគ្រប់អង្គភាពចាត់ចែងឲ្យមានការត្រួតពិនិត្យការអនុវត្តវិធានការនេះឲ្យតឹងរឹង និងមានប្រសិទ្ធភាពខ្ពស់ ដើម្បីឲ្យពលរដ្ឋអាចប្រើប្រាស់ថាមពលអគ្គិសនីបានគ្រប់គ្រាន់៕
Tag:
អគ្គិសនី
ពលរដ្ឋ
អាកាសធាតុ
© រក្សាសិទ្ធិដោយ thmeythmey.com
