ជាតិ
សម្ដេច ហ៊ុន សែន៖ ខ្ញុំអៀនខ្មាស! អ្នកដែលយកលុយពីខ្ញុំទៅលេងល្បែង
× ភ្នំពេញ៖ សម្ដេច ហ៊ុន សែន ហួសចិត្តនឹងពលរដ្ឋខ្លះ ដែលទទួលបានជំនួយឧបត្ថម្ភពីខ្លួនហើយ មិនព្រមយកថវិកាទាំងនោះទៅដោះស្រាយបញ្ហាជីវភាពទេ បែរជាយកទៅលេងល្បែងទៅវិញ។ រឿងរ៉ាវទាំងនេះ ត្រូវបានសម្ដេច ហ៊ុន សែន លើកឡើងនៅក្នុងពិធីចែកសញ្ញាបត្រដល់និស្សិត នៃវិទ្យាស្ថានខ្មែរជំនាន់ថ្មី នៅព្រឹកថ្ងៃទី១៨ មីនានេះ។
ដោយមិនបញ្ចេញអត្តសញ្ញាណបុគ្គលនោះ ប្រមុខរដ្ឋាភិបាលកម្ពុជា បាននិយាយថា សម្ដេចបានស៊ើបអង្កេតដឹងរឿងបុគ្គលខ្លះ ដែលទទួលបានប្រាក់ឧបត្ថម្ភពីខ្លួន យកទៅលេងល្បែងនៅក្នុងកាស៊ីណូធំៗទៅវិញ។ ដោយសារតែភាពទុច្ចរិតរបស់ពួកគេនេះ ទើបធ្វើឲ្យសម្ដេច បាត់បងជំនឿចិត្ត ហើយលែងផ្ដល់ប្រាក់ឧបត្ថម្ភជំនួយទៀត។
«បទពិសោធន៍កន្លងទៅនេះ សូម្បីតែគ្រួសារមួយ ឬក៏មនុស្សម្នាក់ នៅពេលដែលយើងផ្ដល់ប្រាក់ឧបត្ថម្ភទៅហើយ ប៉ុន្តែពួកគេមិនអាចទៅរួច។ ខ្ញុំមកដល់ពេលនេះ មានការអៀនខ្មាសខ្លះ ជាមួយទង្វើខ្លះ ដែលអ្នកទាំងនោះ បានធ្វើចំពោះខ្ញុំ។ ឧទាហរណ៍បានប្រាក់ពីខ្ញុំដោយផ្ទាល់ដៃ ហើយយើងថាជូនគេទៅផ្ទះ ប៉ុន្តែគេមិនឲ្យយើងជូនទៅទេ។ ដល់ពេលយើងតាមណាហ្គា លេងល្បែងចាញ់អស់ទៅ…»។
សូមស្ដាប់ប្រសាសន៍សម្ដេច៖
© រក្សាសិទ្ធិដោយ thmeythmey.com