អ្នកលេងគុនចម្រុះ ស៊ឹម ប៊ុនស្រ៊ន់ រៀបអាពាហ៍ពិពាហ៍រូចហើយនៅកំពង់ចាម

ONE Championship

កីឡាជាតិ

ជាតិ

អ្នកលេងគុនចម្រុះ ស៊ឹម ប៊ុនស្រ៊ន់ រៀបអាពាហ៍ពិពាហ៍រូចហើយនៅកំពង់ចាម

18, Mar 2019 , 9:39 pm

រូបភាព

អត្ថបទ៖ Matias Andres

កីឡាករគុនខ្មែរនិងជាអត្តពលិកគុនចម្រុះប្រចាំស្ថាប័ន ONE Championship ស៊ឹម ប៊ុនស្រ៊ន់ បានខិតខំប្រឹងប្រែងយ៉ាងខ្លាំងដើម្បីកសាងកេរ្តិ៍ឈ្មោះរបស់ខ្លួនក្នុងនាមអ្នកលេងគុនចម្រុះដ៏ល្បីម្នាក់។

តែឥឡូវនេះ ប៊ុនស្រ៊ន់ បានបំពេញគោលដៅផ្សេងមួយទៀតក្នុងជីវិតរបស់គេ។

កាលពីថ្ងៃព្រហស្បតិ៍ទី១៤ ខែមីនា ជើងឯក Khmer Warrior Challenge ទម្ងន់ Flyweight បានរៀបអាពាហ៍ពិពាហ៍ជាមួយគូស្នេហ៍របស់គេនៅខេត្តកំពង់ចាម ដោយមានការចូលរួមយ៉ាងកុះករពីសំណាក់មិត្តភ័ក្ដិ សាច់ញាតិ និងមិត្តរួមក្លិប Cambodian Top Team។

ប៊ុនស្រ៊ន់ បរិយាយពីអារម្មណ៍របស់ខ្លួនថា៖ «ថ្ងៃនេះខ្ញុំសប្បាយចិត្តដែលបានចាប់ដៃគូជីវិតជាមួយភរិយារបស់ខ្ញុំ។ គាត់មិនស្អាតខ្លាំងណាស់ណាទេ តែគាត់គួរឱ្យស្រលាញ់ណាស់»។

ប៊ុនស្រ៊ន់ រៀបរាប់ពីដំណើរដើមទងនៃការស្គាល់គ្នាថា៖ «ខ្ញុំចាប់អារម្មណ៍គាត់ដំបូងពេលដឹងថាគាត់រៀនជំនាញច្បាប់។ គាត់រៀនច្បាប់ព្រោះគាត់ជាមនុស្សស្មោះត្រង់ គាត់ចង់ជួយធ្វើឱ្យពិភពលោកមានភាពប្រសើរឡើង គាត់ចង់កែលម្អច្បាប់គាត់ដឹងថាខ្ញុំជាអ្នកប្រដាល់។ កាលមុន គាត់មិនដែលមានអារម្មណ៍ជាមួយអ្នកប្រដាល់យ៉ាងម៉េចទេ ចូលចិត្តប្រដាល់ទេ គាត់មិនដែលស្រមៃដល់រឿងហ្នឹង(យកប្ដីជាអ្នកប្រដាល់)ទាល់តែសោះ។ គាត់មិនចូលចិត្តមើលប្រដាល់ផងហ្នឹង។ តែជាក់ស្ដែង ទីបំផុតគាត់បានប្ដីអ្នកប្រដាល់។ ខ្ញុំគិតថាមកពីគុណធម៌របស់ខ្ញុំ គឺទី១ស្គាល់ពីតម្លៃខ្លួនឯង ទី២អ្វីដែលយើងធ្វើគឺបុព្វហេតុដើម្បីអ្នកដទៃ»។

ទន្ទឹមនឹងនេះ ប៊ុនស្រ៊ន់ បានសារភាពថាគេបានដកឃ្លាពីអាជីពគុនចម្រុះដើម្បីផ្ដោតលើមុខរបរកសិកម្មរបស់គេ តែថាគេនៅតែមានគម្រោងត្រលប់មកប្រកួតនិងតំណាងកម្ពុជាជាថ្មីនៅលើឆាកពិភពលោករបស់ ONE Championship។

ដោយបាននៅឆ្ងាយពីការប្រកួតគុនចម្រុះអាជីពជាង១ឆ្នាំ មានការងឿងឆ្ងល់ជាច្រើនថាតើ ប៊ុនស្រ៊ន់ បន្តអាជីពគុនចម្រុះទៀតឬទេ? ប៊ុនស្រ៊ន់ អះអាងថាគេនៅតែហ្វឹកហាត់ ទោះបីគ្មានការប្រកួតក៏ដោយ។

ប៊ុនស្រ៊ន់ បញ្ជាក់ថា៖ «ខ្ញុំបានរយាលពីប្រដាល់ដោយសារតែមមាញឹកច្រើននឹងរបរកសិកម្ម។ តែបើមានកម្មវិធីផ្ដល់ដំណឹងដល់ខ្ញុំអំពីការប្រកួត នោះខ្ញុំនឹងរយាលពីរបរកសិកម្មវិញដើម្បីផ្ដោតលើការហាត់ប្រដាល់គុនខ្មែរនិង MMA»។

ប៊ុនស្រ៊ន់បន្តថា៖ «សព្វថ្ងៃ ខ្ញុំនៅតែទៅហ្វឹកហាត់ តែនិយាយដោយស្មោះត្រង់ទៅ ខ្ញុំហាត់មិនសូវញឹកញាប់ដូចមុនទេ ដោយសារតែខ្ញុំរវល់ជាមួយជំនួញកសិកម្មរបស់ខ្ញុំពេក។ ប៉ុន្តែបើមានគេហៅខ្ញុំទៅប្រកួត ខ្ញុំនឹងទៅ១០០%។ ពេលនោះខ្ញុំនឹងផ្ដោតលើការហ្វឹកហាត់គុនខ្មែរនិង MMA ខ្លាំងជាងនេះវិញ»។

ជាចុងក្រោយ ប៊ុនស្រ៊ន់ បញ្ជាក់ថា៖ «ប្រពន្ធគាត់ស្គាល់ពីយើង ស្គាល់ពីតម្លៃយើង អីចឹងអ្វីដែលយើងធ្វើគាត់ទុកចិត្តយើង។ គាត់យល់ពីយើង គាត់លើកទឹកចិត្តយើង»៕