ជាតិ
នយោបាយជាតិ
នាយករដ្ឋមន្ត្រី បញ្ជាឲ្យវ៉ៃខ្នោះអ្នកប្រឆាំង ដែលដើរប្រមូលកម្លាំងតាមមូលដ្ឋាន
សម្តេចនាយករដ្ឋមន្ត្រី ថ្លែងក្នុងពិធីជួបសំណេះសំណាលជាមួយកម្មករ-កម្មការិនីនៅខេត្តពោធិ៍សាត់នាព្រឹកថ្ងៃទី២០ ខែមីនា ឆ្នាំ២០១៩
×![]()
ដោយ: ថ្មីៗ
សម្តេចនាយករដ្ឋមន្ត្រី ហ៊ុន សែន ប្រធានគណបក្សកាន់អំណាច បានទទួលព័ត៌មានថា អតីតមន្ត្រីគណបក្សប្រឆាំង កំពុងដើររៀបចំកម្លាំងនៅតាមមូលដ្ឋាន ក្រោមតួនាទីជាគណៈកម្មការចំពោះកិច្ច ដែលមេដឹកនាំរបស់ពួកគេ បានបង្កើតពីក្រៅប្រទេសមក។ 
ក្នុងពិធីជួបសំណេះសំណាលជាមួយកម្មករ-កម្មការិនីនៅខេត្តពោធិ៍សាត់នាព្រឹកថ្ងៃទី២០ ខែមីនា ឆ្នាំ២០១៩ សម្តេចនាយករដ្ឋមន្ត្រី ហ៊ុន សែន បានដាស់តឿនអតីតមន្ត្រីគណបក្សប្រឆាំងទាំងនោះ ឲ្យបញ្ឈប់សកម្មភាពនេះភ្លាម បើមិនចង់ប្រឈមនឹងវិធានការ។ សម្តេចនាយករដ្ឋមន្ត្រី បញ្ជាទៅកម្លាំងសមត្ថកិច្ច យ៉ាងដូច្នេះថា៖«ឃើញមួយ វាយមួយទៅ»។
សំឡេងសម្តេចនាយក៖
អតីតគណបក្សប្រឆាំង បានបង្កើតគណៈកម្មការចំពោះកិច្ច ដើម្បីរៀបចំផែនការនៃការវិលត្រឡប់របស់លោក សម រង្ស៊ី មកកម្ពុជាវិញ។ គណៈកម្មការចំពោះកិច្ចនេះ ដើរអំពាវនាវអ្នកគាំទ្រនៅក្រៅប្រទេស ឲ្យចូលរួមអមដំណើរមកជាមួយលោក សម រង្ស៊ី ហើយក៏បានបង្គាប់មកមន្ត្រីរបស់ខ្លួននៅក្នុងប្រទេស ឲ្យត្រៀមកម្លាំងចាំទទួលលោក សម រង្ស៊ី ផងដែរ៕
Tag:
ហ៊ុន សែន
CPP
CNRP
© រក្សាសិទ្ធិដោយ thmeythmey.com
