ស៊ីហ្គេមឆ្នាំ២០២៣ នឹងធ្វើនៅខែឧសភា មុនការបោះឆ្នោតជាតិ

កីឡាជាតិ

ជាតិ

ស៊ីហ្គេមឆ្នាំ២០២៣ នឹងធ្វើនៅខែឧសភា មុនការបោះឆ្នោតជាតិ

22, Mar 2019 , 9:10 am

រូបភាព

ដោយ: ថ្មីៗ

ភ្នំពេញ៖ ពិធីបើកការដ្ឋានសាងសង់ផ្លូវល្បឿនលឿនភ្នំពេញ-ព្រះសីហនុ នៅព្រឹកថ្ងៃទី២២ មីនានេះ សម្ដេចនាយករដ្ឋមន្ត្រី ហ៊ុន សែន បានប្រកាសថា កម្ពុជានឹងរៀបចំកីឡាស៊ីហ្គេមឆ្នាំ២០២៣ នាអំឡុងខែឧសភា ពោលគឺមុនការបោះឆ្នោតជាតិអាណត្តិទី៧។

សម្ដេច ហ៊ុន សែន បានបញ្ជាក់ថា មូលហេតុដែលកម្ពុជាជ្រើសរើសខែឧសភា សម្រាប់រៀបចំកីឡាស៊ីហ្គេមនេះ ដើម្បីទុកពេលរៀបចំការបោះឆ្នោត និងរៀបចំរដ្ឋាភិបាលថ្មី ជាពិសេសបញ្ចៀសកុំឲ្យមានបញ្ហាផ្សេង ដែលអាចកើតឡើងក្រោយការបោះឆ្នោត។

សម្ដេច ហ៊ុន សែន អះអាងថា ផ្លូវល្បឿនលឿនដែលរដ្ឋាភិបាលកសាងនេះ នឹងអាចជួយសម្រួលដល់ការរៀបចំកីឡាស៊ីហ្គេមផងដែរ ដោយសារតែប្រភេទកីឡាមួយចំនួន អាចត្រូវប្រារព្ធធ្វើនៅខេត្តព្រះសីហនុ៕