លោក សុឹម សត្តា៖ ម្ចាស់ផលិតកម្មខ្លះ មិនឲ្យតម្លៃសិក្ខាសាលាស្ដីពីកម្មសិទ្ធិបញ្ញា ទើបខ្វះការយល់ដឹងពីការនិពន្ធ

ជាតិ

បទយកការណ៍ / បទសម្ភាសន៍

លោក សុឹម សត្តា៖ ម្ចាស់ផលិតកម្មខ្លះ មិនឲ្យតម្លៃសិក្ខាសាលាស្ដីពីកម្មសិទ្ធិបញ្ញា ទើបខ្វះការយល់ដឹងពីការនិពន្ធ

23, Mar 2019 , 10:29 pm

រូបភាព

រូបផ្ដល់ឱ្យ

ដោយ: ប៉ូ សាគុន

ភ្នំពេញ៖ ម្ចាស់ផលិតកម្មខ្លះ មិនឲ្យតម្លៃលើការបណ្ដុះបណ្ដាលតាមរយៈសិក្ខាសាលាស្ដីពីកម្មសិទ្ធិបញ្ញា ដែលក្រសួងវប្បធម៌ និងវិចិត្រសិល្បៈរៀបចំឡើង ទើបពួកគេខ្វះការយល់ដឹងពីបញ្ហានិពន្ធ និងកម្មសិទ្ធបញ្ញានេះ។

លោក សុឹម សត្តា ប្រធាននាយកដ្ឋានសិទ្ធិអ្នកនិពន្ធនិងសិទ្ធិប្រហាក់ប្រហែល បានលើកឡើងថា ក្រសួងវប្បធម៌ តែងតែធ្វើសិក្ខាសាលាជាញឹកញាប់កន្លងមក ដើម្បីបញ្ជ្រាបព័ត៌មានស្ដីពីច្បាប់កម្មសិទ្ធិបញ្ញា ដោយបានអញ្ជើញផលិតកម្មនានាមកចូលរួម។ ប៉ុន្តែជាលទ្ធផល ម្ចាស់ផលិតកម្មខ្លះ មិនយកចិត្តទុកដាក់លើការបណ្ដុះបណ្ដាលនេះឡើយ ពោលគឺពួកគេមកចូលរួមតែមួយព្រឹកហើយត្រឡប់ទៅវិញ ទើបជាហេតុនាំឲ្យខ្វះការយល់ដឹងខ្លឹមសារនៃច្បាប់។

សូមស្ដាប់សំឡេង៖

«កន្លងមកខាងក្រសួងបានធ្វើសិក្ខាសាលាជាបន្តបន្ទាប់ ដើម្បីបញ្ជ្រាបព័ត៌មានស្ដីពីច្បាប់កម្មសិទ្ធិបញ្ញានេះ តែផលិតកម្មខ្លះគាត់ទៅចូលរួមតែមួយព្រឹក ដល់ពេលមានបញ្ហាអ្វីគាត់ឆ្លើយថាមិនដឹង»។ នេះជាការបញ្ជាក់បន្ថែមរបស់លោក សុឹម សត្តា។

អត្ថបទទាក់ទង

ក្រសួងវប្បធម៌នឹងកោះហៅផលិតកម្មសាន់ដេ មកដោះស្រាយតាមផ្លូវច្បាប់លើករណីបទចម្រៀងនាយចឺម

បើតាមប្រធាននាយកដ្ឋានរូបនេះ ករណីបំពានកម្មសិទ្ធិបញ្ញា ក្រសួងធ្លាប់បានចាត់វិធានការព្រមានជនបង្កបទល្មើសខ្លះដែរ តែមានបុគ្គលមួយចំនួននៅតែផ្គើនដដែល។ ការលើកឡើងរបស់លោក សុឹម សត្តា នេះធ្វើឡើងបន្ទាប់ពីមានករណីមិនសុខចិត្តពីសំណាក់ភរិយារបស់លោក គង្គ ប៊ុនឈឿន ចំពោះផលិតកម្មសាន់ដេ ទាក់ទងនឹងការយកបទ« ថ្ងៃដែលអូនចុកឈាម» ឬបទ «នឹកភូមិភ្នំធំ»ទៅកាឡៃទំនុកភ្លេងហើយដាក់ថានិពន្ធដោយខ្លួនឯង នៃបទ«អូនជាអ្នកមាន សមនឹងអ្នកមានដូចគ្នា» ដែលច្រៀងដោយនាយចឺម៕