ជាតិ
សេដ្ឋកិច្ច
សម្តេចហ៊ុន សែន និងប្រតិភូ ទស្សនាស្តង់ពិព័រណ៍ នៅក្នុងពិព័រណ៍ពាណិជ្ជកម្មចិន-អាស៊ានលើកទី១៥ នៅខេត្តក្វាងស៊ី ប្រទេសចិន (រូបភាពពីហ្វេសប៊ុកក្រសួងពាណិជ្ជកម្ម)
×![]()
ភ្នំពេញ៖ គណ:កម្មការអន្តរក្រសួង នៃក្រសួងពាណិជ្ជកម្មកម្ពុជា ជូនដំណឹងដល់ធុរជន សហគ្រិន វិនិយោគិន និងផលិតករទាំងអស់ ចូលរួមពិព័រណ៍ពាណិជ្ជកម្មចិន-អាស៊ាន លើកទី ១៦ ឆ្នាំ ២០១៩ “The 16th China-ASEAN Expo 2019” ចាប់ពីថ្ងៃទី ២០-២៣ ខែកញ្ញា ឆ្នាំ២០១៩ នៅមជ្ឈមណ្ឌលសន្និសីទអន្តរជាតិទីក្រុងណាននីង ខេត្តក្វាងស៊ី ប្រទេសចិន។
ក្រសួងពាណិជ្ជកម្មកម្ពុជា នឹងមានពន្លាជាតិកម្ពុជា និងរៀបចំស្តង់តាំងបង្ហាញផលិតផលសក្តានុពលកម្ពុជា សម្រាប់ស្វែងរកទីផ្សារនៅ ក្រៅប្រទេស។ រៀបចំ ដំណើរទស្សនកិច្ចពាណិជ្ជកម្ម នៅតាមបណ្តាក្រុមហ៊ុន សហគ្រាស ចូលរួមវេទិកាធុរកិច្ច វេទិកាស្តីពី ពាណិជ្ជកម្ម វិនិយោគកម្ពុជា-ចិន លើកទី៤ វេទិកាធុរកិច្ច ទេសចរណ៍ ពិធីចុះហត្ថលេខាលើអនុស្សរណៈយោគយល់ និង កម្មវិធីជំនួបពាណិជ្ជកម្ម។
សហគ្រិន វិនិយោគិន និង ផលិតករ ដែលមានបំណងទៅចូលរួមពិព័រណ៍ពាណិជ្ជកម្មចិន-អាស៊ាន លើកទី១៦ ឆ្នាំ២០១៩ ឬមានគម្រោង ស្វែងរកដៃគូវិនិយោគ ឬត្រូវចុះហត្ថលេខាលើអនុស្សរណៈយោគយល់គ្នាជាមួយដៃគូរបស់ខ្លួន បំពេញបែបបទ និងផ្ញើគម្រោងរបស់ខ្លួនទៅ នាយកដ្ឋានកិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម ក្រសួងពាណិជ្ជកម្ម ឲ្យបានមុនថ្ងៃទី០៥ ខែសីហា ឆ្នាំ២០១៩ ជាកំណត់។
សូមបញ្ជាក់ថា កាលពីពិព័រណ៍ ចិន-អាស៊ាន លើកទី១៥ មានប្រទេសអាស៊ានចំនួន១០ និងលេខាធិការដ្ឋានអាស៊ាន បានចូលរួម៕
Tag:
ពិព័រណ៍
ចិន-អាស៊ាន
© រក្សាសិទ្ធិដោយ thmeythmey.com
