ក្រសួងពាណិជ្ជកម្មចិន អញ្ជើញកម្ពុជាចូលរួមពិព័រណ៍នៅខេត្តយូណាន់

ជាតិ

សេដ្ឋកិច្ច

ក្រសួងពាណិជ្ជកម្មចិន អញ្ជើញកម្ពុជាចូលរួមពិព័រណ៍នៅខេត្តយូណាន់

24, Mar 2019 , 10:29 pm

រូបភាព

រូបភាពពីហ្វេសប៊ុកអគ្គនាយកដ្ឋានជំរុញពាណិជ្ជកម្ម

ដោយ: សែម វណ្ណា (Sem Vanna)

ភ្នំពេញ៖ ក្រសួងពាណិជ្ជកម្មនៃសាធារណរដ្ឋប្រជាមានិតចិន អញ្ជើញក្រសួងពាណិជ្ជកម្មកម្ពុជា ចូលរួមព្រឹត្តិការណ៍តាំងពិព័រណ៍ “The 2019 South & Southeast Asia Commodity Expo and Investment Fair (SSACEIF)” ដែលនឹងប្រព្រឹត្តទៅ ពីថ្ងៃទី១២ ដល់ទី១៨ ខែមិថុនាខាងមុខ នៅខេត្តយូណា ប្រទេសចិន។

ភាគីចិន អញ្ជើញកម្ពុជាចូលរួមព្រឹត្តិការណ៍នេះ ដើម្បីជំរុញកិច្ចសហប្រត្តិបត្តិការសេដ្ឋកិច្ច ពាណិជ្ជកម្ម និងផ្លាស់ប្ដូរវប្បធម៌ ដោយផ្ដល់ជូនកម្ពុជា នូវការរៀបចំពន្លាជាតិ និងស្ដង់មួយចំនួនសម្រាប់ចូលរួម។ នេះបើយោងតាមសេចក្ដីជូនដំណឹងរបស់ក្រសួងពាណិជ្ជកម្មចុះថ្ងៃទី២១ ខែមីនា។

ក្រសួងពាណិជ្ជកម្មកម្ពុជា បានអំពាវនាវដល់ពាណិជ្ជករ អាជីវករ ជាម្ចាស់ក្រុមហ៊ុន និងសហគ្រាសទាំងអស់ ដែលមានបំណងចូលរួមពិព័រណ៍នេះ ទំនាក់ទំនងនាយកដ្ឋានកិច្ចការពិព័រណ៍ ក្រសួងពាណិជ្ជកម្ម មុនថ្ងៃទី ១០ ឧសភា ឆ្នាំ២០១៩ ជាកំហិត៕