ជាតិ
សេដ្ឋកិច្ច
CDC ឱ្យក្រុមហ៊ុនចំនួន៣មានទុនជាង១០លានដុល្លារ បើករោងចក្រកាត់ដេរសម្លៀកបំពាក់,ស្បែកជើង,កាបូប នៅភ្នំពេញ កណ្តាល និងតាកែវ រូបភាពពីក្រសួងការងារ និងបណ្តុះបណ្តាលវិជ្ជាជីវៈ
× ភ្នំពេញ៖ក្រុមប្រឹក្សាអភិវឌ្ឍន៍កម្ពុជាហៅកាត់ថាCDC បានអនុម័តឱ្យក្រុមហ៊ុនថ្មីចំនួន ៣ ដែលមានទុវិនិយោគសរុបជាង១០លានដុល្លា បង្កើតរោងចក្រកាត់ដេរសម្លៀកបំពាក់ ស្បែកជើង និងកាបូប នៅខេត្តតាកែវ កណ្តាល និងភ្នំពេញ។ រោងចក្រទាំង៣ អាចផ្តល់ឱកាសការងារឱ្យប្រជាជនក្នុងតំបន់ ជាង៣ពាន់កន្លែងផងដែរ។
យោងតាមសេចក្តីជូនដំណឹងរបស់ CDC កាលពីថ្ងៃទី១៩ មីនា ក្រុមហ៊ុនទាំង៣នោះ មានក្រុមហ៊ុនUNIWOOD SHOES MANUFACTURING មានទុនវិនិយោគ៥,៣លានដុល្លារ គ្រោងបង្កើតរោងចក្រផលិតស្បែកជើង នៅភូមិត្រាវឯម ឃុំពពេល ស្រុកត្រាំកក់ ខេត្តតាកែវ។ ក្រុមហ៊ុន NAN LAI INTERNATIONAL (CAMBODIA) បង្កើតរោងចក្រផលិតកាបូប និងខ្សែក្រវាត់គ្រប់ប្រភេទ នៅភូមិត្រពាំងក្រសាំង ឃុំបែកចាន ស្រុកអង្គស្នួល ខេត្តកណ្តាល ជាមួយទុនវិនិយោគ ២,២លានដុល្លារ។ ក្រុមហ៊ុន VICMARK FASHIONS (CAMBODIA)មានទុនជិត៣លានដុល្លារ ដែលបង្កើតរោងចក្រកាត់ដេរសម្លៀកបំពាក់ នៅផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម រាជធានីភ្នំពេញ។ នេះជាការបញ្ជាក់របស់ក្រុមប្រឹក្សាអភិវឌ្ឍន៍កម្ពុជា៕
Tag:
កាបូប
ស្បែកជើង
សម្លៀកបំពាក់
© រក្សាសិទ្ធិដោយ thmeythmey.com