បាតដៃយើង

កំណាព្យ

ជាតិ

បាតដៃយើង

25, Mar 2019 , 7:29 am

រូបភាព

បទ សត្វកាងស្លាប

-ស៊ាំរឿង រឿងស៊ាំនាំឲ្យហោច ផ្សាខ្លោច ខ្លោចផ្សាស្តារស្តែងយ៉ាប់

បែកបាក់ បាក់បែកស្រែកឈឺចាប់ ស្ទើរស្លាប់ ស្លាប់ស្ទើររើលែងរួច។

-គេជុំ ជុំគេរេរួមត្បៀត ស៊កសៀត សៀតស៊កឲ្យយើងស្តួច

ខ្មែរខ្សោយ ខ្សោយខ្មែរដូចពុលក្តួច គេលួច លួចគេរេរាយល្បិច។

-យើងរួច រួចយើងឆ្លងផុតទុក្ខ គេរុក រុកគេរេរួមច្បិច

ចាក់ចុច ចុចចាក់ដាក់កលកិច្ច នេះល្បិច ល្បិចនេះខ្មែរជួបហើយ។

-ដៃខ្មែរ ខ្មែរដៃច្នៃសាងសុខ សាងស្រុក ស្រុកសាងមិនតោះតើយ

ខ្មែររួម រួមខ្មែរមិនលេងឡើយ ឆ្អែតហើយ ហើយឆ្អែតហេតុហិនហោច។

-ច្បាំងហត់ ហត់ច្បាំងតាំចិត្តច្បាស់ ក្មេងចាស់ ចាស់ក្មេងស្រុះស្រង់ស្រោច

ស្តារជាតិ ជាតិស្តារឈប់ឲ្យហោច អ្នកស្រោច ស្រោចអ្នកជាក់ដៃខ្មែរ៕

5 ថ្ងៃ

1 សប្តាហ៍

3 ថ្ងៃ

5 ថ្ងៃ

4 ថ្ងៃ