ជាតិ
នយោបាយជាតិ
សម្តេច ទៀ បាញ់ រដ្ឋមន្ត្រីក្រសួងការពារជាតិ និង លោក វាង វិនធាន ឯកអគ្គរដ្ឋចិន ប្រចាំកម្ពុជា បានចូលរួមធ្វើជាអធិបតីក្នុងពិធីបិទសយមយុទ្ធទ័ពកម្ពុជា-ចិន។ រូបពីក្រសួងការពារជាតិ
×![]()
ដោយ: សារព័ត៌មានថ្មីៗ
ការធ្វើសមយុទ្ធរវាងទ័ពកម្ពុជា-ចិន ដែលហៅថា «លំហាត់នាគមាសឆ្នាំ២០១៩» ត្រូវបានបិទបញ្ចប់នៅថ្ងៃទី២៥ ខែមីនា ឆ្នាំ២០១៩នេះ។ សម្តេច ទៀ បាញ់ រដ្ឋមន្ត្រីក្រសួងការពារជាតិ និង លោក វាង វិនធាន ឯកអគ្គរដ្ឋចិន ប្រចាំកម្ពុជា បានចូលរួមធ្វើជាអធិបតីក្នុងពិធីបិទនេះ។
ក្រសួងការពារជាតិ បានផ្សាយលើគេទំព័ររបស់ខ្លួនថា សមយុទ្ធរវាងទងព័រកម្ពុជា-ចិន មិនមានការគំរាមគំហែងអ្នកណាទាំងអស់ តែផ្ទុយទៅវិញ សមយុទ្ធនេះ គឺជាការបង្ហាញនូវការចូលរួមថែរក្សាសន្តិសុខក្នុងតំបន់ តាមរយៈការផ្លាស់ប្តូរបទពិសោធគ្នាតែប៉ុណ្ណោះ ជាពិសេសបទពិសោធប្រយុទ្ធប្រឆាំងអំពើភេវរកម្ម និងការជួយសង្គ្រោះប្រជាពលរដ្ន ពេលមានគ្រោះមហន្តរាយធម្មជាតិ ជាដើម។ ក្រសួងការពារជាតិ ឲ្យដឹងទៀតថា សមយុទ្ធនេះ ក៏ជាការចូលរួមចំណែកជំរុញទំនាក់ទំនងមិត្តភាពកម្ពុជា-ចិន ឲ្យកាន់តែរឹងមាំផងដែរ ជាពិសេសកិច្ចសហប្រតិបត្តិការរវាងកងទ័ពកម្ពុជា-ចិន។
សមយុទ្ធនេះ មានរយៈពេលកន្លះខែ គឺចាប់ផ្តើមធ្វើតាំងពីថ្ងៃទី១៣ ខែមីនាមក នៅទីលានបាញ់គ្រាប់ពិត សាលាហ្វឹកហ្វឺនតេជោសែនជុំគីរី របស់កងពលតូចលេខ៧០ នៅស្រុកជុំគីរី ខេត្តកំពត។ ក្នុងការធ្វើសមយុទ្ធនេះ ទ័ពចិន មាន២៥២នាក់ ហើយទ័ពកម្ពុជា មាន២៥៤២នាក់។ អាវុធយុទ្ធភ័ណ្ឌសំខាន់ៗ ដែលប្រើប្រាស់នៅក្នុងសមយុទ្ធ មាន រថពាសដែក រថក្រោះ កាំភ្លើងធំ កាំភ្លើងត្បាល់ ឧទ្ធម្ភាចក្រ និង អាវុធគាំទ្រពីលើអាកាស ជាដើម។
សមយុទ្ធនេះ មានរយៈពេលកន្លះខែ គឺចាប់ផ្តើមធ្វើតាំងពីថ្ងៃទី១៣ ខែមីនាមក នៅទីលានបាញ់គ្រាប់ពិត សាលាហ្វឹកហ្វឺនតេជោសែនជុំគីរី របស់កងពលតូចលេខ៧០ នៅស្រុកជុំគីរី ខេត្តកំពត។ ក្នុងការធ្វើសមយុទ្ធនេះ ទ័ពចិន មាន២៥២នាក់ ហើយទ័ពកម្ពុជា មាន២៥៤២នាក់។ អាវុធយុទ្ធភ័ណ្ឌសំខាន់ៗ ដែលប្រើប្រាស់នៅក្នុងសមយុទ្ធ មាន រថពាសដែក រថក្រោះ កាំភ្លើងធំ កាំភ្លើងត្បាល់ ឧទ្ធម្ភាចក្រ និង អាវុធគាំទ្រពីលើអាកាស ជាដើម។
ក្រសួងការពារជាតិ បានសរសេរយ៉ាងដូច្នេះថា៖«បច្ចុប្បន្ននេះ ទំនាក់ទំនងចិន-កម្ពុជា បានឈានដល់ចំណុចកំពូល និងល្អជាងពេលណាៗទាំងអស់ ដែលមិត្តភាពជាដែកថែបនេះ បានកើតឡើង ក្នុងដំណាក់កាលដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក ស៊ី ជីនពីង ប្រធានាធបិតីចិន»។
សូមបញ្ជាក់ថា សមយុទ្ធរវាងទព័កម្ពុជា-ចិន បានចាប់ផ្តើមធ្វើតាំងពីឆ្នាំ២០១៦មក។ ប៉ុន្តែ កាលពីឆ្នាំ២០១៧ បានខកខាន៕
© រក្សាសិទ្ធិដោយ thmeythmey.com
