ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
អ្នកវិទ្យាសាស្ត្រនិយាយថា មានបញ្ហាសុខភាពច្រើនណាស់ដែលជាប់ទាក់ទងនឹងសុខភាពពោះវៀនខ្សោយ ដូចជា ការថប់អារម្មណ៍ បាក់ទឹកចិត្ត ធាត់ជ្រុល ជំងឺទឹកនោមផ្អែមប្រភេទទី២ ជំងឺរលាកសន្លាក់ អស់កម្លាំងរ៉ាំរ៉ៃ និងការរលាកពោះវៀនជាដើម។ យកល្អគួរតែប្រាកដថា បាក់តេរីល្អៗក្នុងពោះវៀនមានចំនួនគ្រប់គ្រាន់ ដើម្បីថែរក្សាសុខភាពពោះវៀនបាន។ ប៉ុន្តែបើសិនជាអ្នកឧស្សាហ៍មានបញ្ហាក្រពះពោះវៀន ឬពោះវៀនខ្សោយ វាអាចដោយសារតែអ្នកចូលចិត្តញ៉ាំអាហារខាងក្រោមនេះច្រើនពេក ព្រោះ វាជាអាហារដែលសម្លាប់បាក់តេរីល្អៗពីក្នុងពោះវៀន។
ជាតិផ្អែម
យើងទាំងអស់គ្នាដឹងហើយថា ជាតិផ្អែមគួរតែជារឿងដែលចៀសវាងដោយសារតែវាអាចធ្វើឲ្យចង្កេះកាន់តែរីកធំ។ ក្រៅពីនេះ វានឹងជួយជំរុញដល់បាក់តេរីអាក្រក់ៗក្នុងពោះវៀនកើនឡើងជាងល្អ រហូតដល់ប៉ះពាល់ដល់មុខងារពោះវៀនបាន។
អាហារកៃឆ្នៃ
អ្នកជំនាញជាច្រើនយល់ស្របថា ធាតុផ្សំជាច្រើនដែលគេយកមកធ្វើជាអាហារកៃឆ្នៃ អាចបង្កគ្រោះថ្នាក់ច្រើនដល់បាក់តេរីល្អៗក្នុងពោះវៀន។ ការញ៉ាំអាហារកៃឆ្នៃ ក៏ប្រហែលជាបង្កើនការប្រឈមនឹងបញ្ហាសុខភាពធ្ងន់ធ្ងរជាច្រើនដែរដូចជា ជំងឺបេះដូង និងមហារីក។ ដូច្នេះបើសិនជាកំពុងតែចូលចិត្តរបស់កៃឆ្នៃហើយ យកល្អគួរតែដាក់វាចុះ ហើយគិតឡើងវិញ ឬជ្រើសរើសអ្វីដែលជាធម្មជាតិញ៉ាំឲ្យច្រើនវិញទៅ។
គ្រឿងស្រវឹង
ការញ៉ាំគ្រឿងស្រវឹងក្នុងកម្រិតមធ្យមអាចជំរុញឲ្យមានសុខភាពល្អបាន ដោយអាចញ៉ាំត្រឹមពីរកែវក្នុងមួយថ្ងៃសម្រាប់បុរស និងស្ត្រីអាច ១កែវក្នុងមួយថ្ងៃ។ ជាអកុសល មនុស្សយើងច្រើនតែមិនអាចគោរពទៅតាមក្បួនខាងលើនេះទេ ហើយក៏ច្រើនតែមានទម្លាប់ញ៉ាំគ្រឿងស្រវឹងច្រើនៗ រហូតដល់បាត់បង់បាក់តេរីល្អៗពីក្នុងពោះវៀនទៀត។ អ្នកអាចសម្គាល់ដឹងរឿងនេះ តាមរយៈការរាករូស ក្រោយពីញ៉ាំគ្រឿងស្រវឹងរហូតដល់ស្រវឹងរួច៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
