ជាតិ
បទសម្ភាសន៍
សិល្បករថតរូបឆ្នើម ម៉ក់ រ៉េមីស្សា៖ «ត្រូវប្រើបេះដូង ដើម្បីថតរូប»
× ភ្នំពេញ៖ ដើម្បីថតរូបឲ្យបានល្អ មិនមែនជាការងាយស្រួលនោះទេ អ្នកថតរូប ត្រូវប្រើបច្ចេកទេស រួមទាំងគំនិតទើបអាចផលិតចេញជាស្នាដៃល្អមួយ។ ក្នុងបទសម្ភាសជាមួយសារព័ត៌មានថ្មីៗ សិល្បករថតរូបឆ្នើម រ៉េមីស្សា បានបញ្ជាក់យ៉ាងច្បាស់ថា៖ «ដើម្បីថតរូបឲ្យបានល្អ អ្នកថតរូបត្រូវដាក់បេះដូង, ការស្រឡាញ់ និងការអាណិតលើស្នាដៃរបស់ខ្លួនជាមុនសិន ទើបស្នាដៃទទួលបានលទ្ធផលល្អ»។ តាមបទពិសោធកន្លងមក លោក ម៉ក់ រ៉េមីស្សា បានចំណាយពេលវេលាច្រើនក្នុងការស្រាវជ្រាវ, គិតគូរ និងមានផែនការច្បាស់លាស់ ដើម្បីផលិតរូបថតបែបសិល្បៈឲ្យបានល្អមួយ។
ការស្រាវជ្រាវប្រធានបទ, ដាក់មនោសញ្ចេតនា, គំនិតច្នៃប្រឌិត និងមានផែនការច្បាស់លាស់ បានធ្វើឲ្យស្នាដៃនៃការផលិតរូបបែបសិល្បៈរបស់លោក ម៉ក់ រ៉េមីស្សា ទទួលបានលទ្ធផលល្អ។ សិល្បករថតរូបឆ្នើមរូបនេះ ស្រឡាញ់ការថតរូបបែបសិល្បៈ ដែលរូបថតប្រភេទនេះ អាចធ្វើឲ្យលោកបញ្ចេញគំនិតផ្ទាល់ក្នុងការបង្កើតស្នាដៃល្អឯក។ បើតាមលោក រ៉េមីស្សា ទោះបីមានឧបករណ៍ទំនើបៗសម្រាប់ថតក៏ដោយ ក៏ប៉ុន្តែបើអ្នកថតមិនចេះច្នៃប្រឌិត នោះរូបថតក៏មិនល្អដែរ។
ដើម្បីជ្រាបច្បាស់ សូមអញ្ជើញទស្សនាបទសម្ភាសរវាងលោក គី សុខលីម អ្នកសារព័ត៌មាន ThmeyThmey ជាមួយលោក ម៉ក់ រ៉េមីស្សា សិល្បករថតរូបឆ្នើមដូចតទៅ៖
ក្នុងបទសម្ភាសជាមួយសារព័ត៌មានថ្មីៗ សិល្បករថតរូបឆ្នើម រ៉េមីស្សា អះអាងថា ការថតរូបត្រូវមានអារម្មណ៍ល្អ និងពេលវេលាគ្រប់គ្រាន់សម្រាប់ថត។ ម្យ៉ាងវិញទៀត ដើម្បីថតរូបឲ្យបានល្អ អ្នកថតរូប ត្រូវថតតាមពេលវេលាស្របទៅតាមប្រធានបទនីមួយៗរបស់ខ្លួន។ ទន្ទឹមនឹងនេះ ក្រៅពីប្រើគំនិតសម្រាប់ថតរូប អ្នកថតរូបត្រូវការបច្ចេកទេស និងម៉ាស៊ីនថតល្អផងដែរ៕
Tag:
រូបថតបែបសិល្បៈ
រូបថត
ម៉ក់ រ៉េមីស្សា
© រក្សាសិទ្ធិដោយ thmeythmey.com