រដ្ឋាភិបាលថ្លែងការណ៍ «ឲ្យរួមគ្នាប្រឆាំងការបើកបរឃោឃៅ និងធ្វេសប្រហែស»

ជាតិ

រដ្ឋាភិបាលថ្លែងការណ៍ «ឲ្យរួមគ្នាប្រឆាំងការបើកបរឃោឃៅ និងធ្វេសប្រហែស»

27, Mar 2019 , 11:19 am

រូបភាព

លោក ផៃ ស៊ីផាន អ្នកនាំពាក្យរដ្ឋាភិបាល អះអាងថា សម្តេច ហ៊ុន សែន យកចិត្តទុកដាក់ខ្ពស់លើករណីគ្រោះថ្នាក់ចរាចរណ៍

ដោយ: ថ្មីៗ

រដ្ឋាភិបាលកម្ពុជា តាមរយៈអ្នកនាំពាក្យរបស់ខ្លួន នាថ្ងៃទី២៧ ខែមីនា នេះ បានចេញសេចក្តីថ្លែងការណ៍ ថ្កោលទោសអ្នកបើកបរដែលធ្វេសប្រហែស និងបង្កគ្រោះថ្នាក់ដល់ជីវិតសាធារណជន។ សេចក្តីថ្លែងការណ៍ បានភ្ជាប់ករណីនិស្សិត ឌុំ រីដា ដែលបានទទួលមរណភាពក្នុងគ្រោះថ្នាក់ចរាចរណ៍ដ៏តក់ស្លុតមួយ កាលពីរសៀលថ្ងៃទី២៦ ខែមីនា។

បើតាមអ្នកនាំពាក្យ ការបាត់បង់ជីវិតនិស្សិត ឌុំ រីដា ត្រូវបានសម្តេចនាយករដ្ឋមន្ត្រី ហ៊ុន សែន យកចិត្តទុកដាក់ខ្ពស់ ហើយសម្តេចក៏មានប្រសាសន៍ទាក់ទងនឹងរឿងនេះ នាពិធីចែកសញ្ញាបត្រ កាលពីព្រឹកថ្ងៃដដែលផងដែរ។

«ពិតប្រាកដណាស់ នេះជាសារមួយដ៏ត្រឹមត្រូវ និងជាសំណូមពរដល់ភាគីពាក់ព័ន្ធរាស្ត្រ និងរដ្ឋ រួមគ្នាប្រឆាំងអ្នកបើកបរ ដែលមានឥរិយាបទឃោឃៅ គ្មានគុណធម៌ សីលធម៌ ធ្វេសប្រហែស និងបង្កគ្រោះថ្នាក់ដល់ជីវិតសាធារណជន»។ នេះជាសំណេរក្នុងសេចក្តីថ្លែងការណ៍។

មុនបង្ហាញពីការសោកស្តាយ និងរំលែកនូវមរណទុក្ខ អ្នកនាំពាក្យរដ្ឋាភិបាល បានអះអាងថា ការរួមគ្នាប្រឆាំងអ្នកបើកបរឃោឃៅ គ្មានគុណធម៌ ធ្វេសប្រហែស មិនត្រឹមតែរកយុត្តិធម៌ដល់ជនរងគ្រោះនោះទេ តែវាជាវិធានការម៉ឺងម៉ាត់ជាមួយនឹងការទប់ស្កាត់ការពារសាធារណជនប្រកបដោយប្រសិទ្ធភាពខ្ពស់៕

អត្ថបទទាក់ទង

នាយករដ្ឋមន្រ្តី ឲ្យតាមចាប់អ្នកបើកឡានបុកនិស្សិតស្រី

ម្ចាស់រថយន្តដែលបើកបុកនិស្សិតស្រីស្លាប់ អះអាងថាប្រគល់រថយន្ត និងអ្នកបើកបរ ទៅសមត្ថកិច្ច

និស្សិតស្រីជិតបញ្ចប់ការសិក្សា ស្លាប់ដោយសាររថយន្តល្បឿនដ៏លឿនបុក