ពីនេះ ពីនោះ
×![]()
ដោយ: ថ្មីៗ
ដូចមហាជនទូទៅ បានដឹងហើយថា ពាក្យ «តើ» ប្រើបានសម្រាប់តែចោទសួរទៅនរណាម្នាក់ ដើម្បីឲ្យឆ្លើយនូវសំណួររបស់ខ្លួនតែប៉ុណ្ណោះ។ លើសពីនេះ ពាក្យ តើ» ក៏អាចប្រើសម្រាប់បញ្ជាក់ពីអ្វីមួយឲ្យកាន់តែច្បាស់បន្ថែមទៀតផងដែរ។
«តើ» មិនគ្រាន់តែសម្រាប់ចោទសួរជាសំណួរ ដើម្បីគ្រាន់តែចង់បានចម្លើយនោះទេ។«តើ» គេក៏និយមប្រើសម្រាប់បញ្ជាក់ពីសំនួនសម្តីរបស់នរណាម្នាក់។ ឧទាហរណ៍៖ ខ្ញុំនៅទីនេះតើ គ្មានទៅណាឯណា, ដឹងតើ! យល់តើ! ឮតើ! ប្អូនខ្ញុំតើ មិនមែនខ្ញុំណា!។
ថ្វីដ្បិតតែគេនិយមប្រើពាក្យ «តើ» នេះពិតមែន តែក៏នៅមានស្មេរខ្លះប្រើខុសដែរ ខ្លះ «តាស់» ខ្លះ«តាស» ទៅវិញ។ ដើម្បីជៀសវាងការប្រើខុស ដូច្នេះទាមទារឲ្យស្មេរយកចិត្តទុកដាក់ឲ្យមែនទែនរាល់ការប្រើពាក្យពេចន៍ខ្មែរ។
មានពាក្យជាច្រើនទៀតដែលអាចប្រើបានក្នុងន័យច្រើនយ៉ាង ដូចជា ពាក្យ «ចែ» សំដៅលើឈ្មោះមាន់មានមាឌតូច។ ចែ ជាភ្លុកមេដំរី ដែលគេច្រើនតែហៅថា ចែកាច់ គឺចែដែលមេដំរីកាច់ចោលខ្លួនវាជាប់នឹងដើមឈើ ដែលគេជឿជាក់ថា ជាវត្ថុមានតម្លៃ ធ្វើឲ្យត្រជាក់ត្រជំ, ចែ ក៏សម្រាប់ហៅទៅ បងស្រី ឬម្យ៉ាងទៀត សម្គាល់លើមនុស្ស ទាប តូច និងកន្តិល។ ឧទាហរណ៍៖ មនុស្សចែ មនុស្សតឿ ដើរជាមួយគ្នា៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
